El frixuelu o fayuelu (frisuelu o jisuelu en Cantabria) ye un postre asturianu, cántabru y llionés fechu a base de farina, lleche y güevos. Ye típicu del Antroxu y de les Comadres, anque tamién se come cualquier día del añu.

Frixuelu
Nome Frixuelu
Procedencia España
Procedencia España
Detalles
Más información
[editar datos en Wikidata]
Platu de frixuelos o fayuelos

Ingredientes editar

1/2 llitru lleche, 4 güevos, farina, sal y zucre

Preparación editar

Nun concu échase la farina, los güevos y el sal, amestándolo too a midida que se va añadiendo la lleche pasu ente pasu, y asina ensin aparar hasta que tolos ingredientes tean bien amestaos y nun queden grumos.

Consiguío esto, untamos un sartén con manteiga o con un migayu aceite, y cuando tea bien caliente échase daqué de pastia, la xusta pa que cubra la superficie del sartén con una capa bien fina, y déxase que cuaye y se dore. Dámos-y la vuelta y dorámoslu pel otru llau.

Sobre la superficie d'un platu espolvoreamos una cuyarada de zucre y ponemos el primer frixuelu; sobre ésti échase otra cuyarada de zucre y otru frixuelu... y asina hasta'l final.

Degustación editar

La forma tradicional de comelos ye endolcándolos, y ye aconseyable que tean calientes, puen rellenase de miel o mermelaes.

Variantes editar

Dada la consistencia de los mesmos y la forma en que suelen comese, puen rellenase de miel, nata, crema, o la más tradicional, de compota de mazana, o chocolate fundíu.

El frixuelu ye tamién un postre típicu de la cocina llionesa -anque equí tamién se conoz col nome de frigüelu-, y amás de la típica forma de cocinalu esiste otra propia del centru de Lleón -zona del Alfoz- que se noma frigüelu de sarten. Anque la receta nun cambea si lu fai'l xeitu de cocinalu, yá que se frixi en muncho aceite y formando pequeñas bolas. Otra variedá llionesa del frixuelu ye la fiyuela, que sustitui'l lleche por sangre y añade prunes y mazanes o uves pases.

También en Lleón cambea la dómina, que s'esparde pa tol añu, y la socioloxía de la comida yá que s'acompaña comu típica merienda con lleche y café o chocolate; y non con bébores alcohóliques.


Referencies editar

Enllaces esternos editar