Les gaelscoileanna (gaelscoil en singular) son escueles irlandeses onde l'idioma d'enseñanza ye'l irlandés.

Gaelscoil
Historia
Fundación1973
Cambiar los datos en Wikidata
Galescoil en Newry (Irlanda del Norte)

En setiembre de 2005 había 158 gaelscoileanna n'educación primaria y 36 en secundaria na República d'Irlanda y n'Irlanda del Norte en xunto (escluyendo los gaeltacht, que les sos escueles nun son consideraes gaelscoileanna), lo que significaba unos 31.000 estudiantes.

Cola apertura del Gaelscoil Liatroma nel condáu de Leitrim en 2005 hai agora siquier una gaelscoil en cada unu de los 32 condaos d'Irlanda.

Les gaelscoileanna son les escueles de más rápidu crecedera n'Irlanda y, de lloñe, les más esitoses d'ente tolos movimientos d'escueles en gaélicu, como'l Gaelic Medium Education, qu'enseña gaélicu escocés n'Escocia, o les Bunscoill Ghaelgagh, qu'enseñen manés na Isla de Man.

L'irlandés ye la llingua d'instrucción nestes escueles. Anguaño, el 7,4% de los estudiantes garrasti a escueles n'irlandés en Primaria, ente que el 3,0% de los estudiantes garrasti a escueles n'irlandés en Secundaria. Anque delles escueles n'inglés ufierten clases n'irlandés, namái'l 25,5% de los estudiantes estudien delles materies en llingua irlandesa. Esto fai que'l 36% de los estudiantes seya instruyíu total o parcialmente nel idioma irlandés.

Situación actual editar

Hai 50 000 alumnos asistiendo a gaelscoileanna (tanto dientro como fora de los gaeltacht) en 368 escueles primaries y secundaries.

  • Nos Gaeltacht: 127 escueles primaries: 29 escueles secundaries con 15 000 alumnos.
  • Fora de los Gaeltacht: 171 escueles primaries: 43 escueles secundaries con 35 500 alumnos.
  • Naíonraí: 227 grupos preescolares 4000 neños.

Escueles de branu editar

Tamién hai escueles de branu llamaes 'Coláistí Samhraidh', de les cualos hai 47 distribuyíes a lo llargo de los Gaeltacht. Cada añu, 26 000 estudiantes pasen tres selmanes nestes escueles, falando solamente irlandés.

Grupos xuveniles editar

L'asociación 'Ógras' aprove de sofitu a neños y nuevos d'ente 8 y 19 años. Hai 35 d'estos grupos distribuyíos per Irlanda. Toles actividaes d'estos grupos xuveniles desenvuélvense puramente n'irlandés.

Visión xeneral editar

El movimientu Gaelscoil foi'l mayor y más esitosu de tolos programes d'educación per inmersión nuna llingua minoritaria n'Europa. El movimientu tamién tuvo ésitu n'establecer escueles tanto en zones urbanes como rurales. Por casu, en Dublín hai 31 escueles de primaria n'irlandés y 8 de secundaria, ente qu'en Cork hai 22 de primaria y 8 de secundaria.

Na República d'Irlanda l'irlandés ye una asignatura obligatoria nes educaciones Primaria y Secundaria. Enséñase-y irlandés a ente 700.000 y 800.000 estudiantes dientro del sistema educativu; la so situación ye similar a la del idioma galés nel País de Gales.

Ver tamién editar

Referencies editar

Enllaces esternos editar