Gonzalo Suárez
Gonzalo Suárez Morilla (30 de xunetu de 1934, Uviéu) ye un escritor y direutor de cine asturianu.
Gonzalo Suárez | |
|---|---|
 | |
| Vida | |
| Nacimientu | Uviéu, 30 de xunetu de 1934[1] (89 años) |
| Nacionalidá |
 España |
| Familia | |
| Hermanos/es | Carlos Suárez |
| Estudios | |
| Llingües falaes | castellanu |
| Oficiu | direutor de cine, escritor, guionista, actor, productor de cine |
| Premios | |
| Seudónimos | Martín Girard[3] |
| IMDb | nm0840779 |
 | |
Biografía editar
Gonzalo Suárez ñaz n'Uviéu nos alboreceres de la revolución minera de 1934. Nel añu 1936 la guerra civil sospriénde-y en Madrid,u'l so padre, Gonzalo Suárez Gómez, catedráticu de francés, fora presidir unos exámenes. Hasta los diez años nun va al colexu. Ye'l so padre quien s'ocupa del so deprendimientu. Nel 1951 empecipia los sos estudios de Filosofía y Lletres en Madrid, escribe obres de teatru y protagoniza, ente otres, El momentu de la to vida de Saroyan, Medea d'Eurípides y La torbonada de Shakespeare. Influyíu pola vida y obra de los impresionistes dadícase con obsesivu entusiasmu a la pintura. Abandona los estudios y marcha a París u realiza trabayos eventuales.
En 1958 llega cola so muyer a Barcelona, u prautica'l periodismu col seudónimu de Martin Girard[4]. A pesar del so medrante ésitu, dexa'l periodismu y publica los sos primeros llibros, que suponen una rotura col naturalismu en boga. Dalgunos de los sos rellatos son afechos al cine y asina en 1966 empecipia la so obra cinematográfica. A partir d'esi momentu, va alternar ininterrumpidamente llibros y películes.
Ye padre d'Anne-Hélène Suárez y Gonzo Suárez y hermanu del direutor de fotografía Carlos Suárez.
Julio Cortázar editar
Julio Cortázar dixo d'elli: "Para daquién qu'aprecie los xuegos sigilosos d'una intelixencia irónica, y la marxinalidá apostada ellí onde la gran mayoría trabaya a full time, la obra resbaliza y casi inasible de Suárez dibuxa nel panorama español contemporaneu daqué análogu a lo que pudo dibuxar en Francia la obra de Boris Vian. Cuando los espera nuna pantalla de cine o nun escenariu, sumen sópito p'amosase detrás de les tapes d'un llibru o d'un solu de trompeta; quien-yos dieren cita nuna mesa redonda, van comprobar ablayaos el furacu de la so ausencia a la mesma hora en qu'una ama de casa varada va afayar qu'un güéspede d'atenta sorrisa ocupa una siella a la que naide lo convidó. De dalguna manera que'l so secretu namái elli conoz, Gonzalo Suárez transita dende va años polos rexistros más variaos de la vida intelectual española, pero esa actitú tresfuga y casi de pantasma esmuel ya inclusive enoxa a los críticos amigos del orde, los xéneros y les etiquetes.
"¿Escritor que fai cine, cineasta que torna a la Lliteratura? De xemes en cuandu hai caparines que se nieguen a dexase clavar nel cartón de les bibliografíes y los catálogos, dacuando, tamién, hai llectores o espectadores que siguen prefiriendo les caparines vives a les que duermen el so murniu suañu nes caxes de cristal".
Obra editar
Filmografía editar
Películes empobinaes por Gonzalo Suárez:[5]
Teatru editar
Obres de teatru dirixíes por Gonzalo Suárez: Añu 2000, adautación y direición.[6]
Llibros editar
- De cuerpo presente, 1ª edición: Luis de Caralt, Barcelona,1963.
- Los once y uno, 1ª edición: Rondas, Barcelona, 1964.
- Trece veces trece, 1ª edición: Ediciones Ferré, Barcelona, 1964.
- El roedor de Fortimbrás, 1ª edición: Ediciones Ferré, Barcelona,1965.
- Rocabruno bate a Ditirambo, 1ª edición: Ediciones Ferré, Barcelona, 1966.
- La zancada del cangrejo, 1ª edición: Los Papeles de Son Armadans, Palma de Mallorca, 1969.
- Operación Doble Dos, 1ª edición: Planeta, Barcelona,1974.
- Gorila en Hollywood, 1ª edición: Planeta, Barcelona, 1980.
- La reina roja, 1ª edición: Cátedra, Madrid, 1981.
- El asesino triste, 1ª edición: Alfaguara, Madrid, 1994.
- La literatura, 1ª edición: Alfaguara, Madrid, 1997.
- Ciudadano Sade, 1ª edición: Areté, Madrid, 1999.
- Yo, ellas y el otro, 1ª edición: Areté, Madrid, 2000.
- El cine: de las cavernas a la pantalla, Universidad de León, León, 2001.
- El hombre que soñaba demasiado, 1ª edición: Areté, Madrid, 2005.
- La suela de mis zapatos, 1ª edición: Seix Barral, Barcelona, 2006.
- Dos pasos en el tiempo. De Aoom a El Genio tranquilo, Asturias 1969-2006. Ocho y medio, Madrid, 2006.
- El secreto del cristal. Aforismos y desafueros de Gonzalo Suárez., 1ª edición: Fernando Villaverde, Madrid, 2008.
- Las fuentes del Nilo, 1ª edición: Alfaguara, Madrid, 2011.
- El síndrome de Albatros, 1ª edición: Seix Barral, Barcelona, 2011.
Guiones editar
- 1965 Fata Morgana. Guión de Vicente Aranda y Gonzalo Suárez.
- 1975 Operación Doble Dos. Guión de Sam Peckinpah y Gonzalo Suárez, basáu na novela homónima de Gonzalo Suárez. Espublizáu na revista Viridiana, núm. 12.
- 1980. La colmena. Finalmente dirixía por Mario Camus.
Traducciones editar
- Los once y uno. Espublizáu en: eslovacu por Editions Sport.
- Trece veces trece. Espublizáu en: eslovacu por Tatran y polaco por Iskry [2 cuentos].
- El roedor de Fortimbrás. Espublizáu en: polacu por Czytelnik.
- Rocabruno bate a Ditirambo. Espublizáu en: polacu por Czytelnik.
- Operación Doble Dos. Espublizáu en: francés por Gallimard.
Adautaciones de la obra de Gonzalo Suárez editar
Teatru editar
2001 "Palabras en penumbra", adautación teatral de testos de Gonzalo Suárez dirixida por Carles Alberola, Albena Teatre. Premiu de les Artes Escéniques de la Generalitat Valenciana a la meyor direición y premiu de la crítica de Valencia a la meyor direición escénica.[7]
Ópera editar
2004 "La nochey la pallabra" con música de José Manuel López, llibretu de Gonzalo Suárez ya imáxenes escéniques de José Manuel Broto. Estrenada en Madrid, 2004, Teatru de l'Abadía. Representóse, tamién, na Bienal de Venecia (2005).
Nesta ópera, José Manuel López crea un frescu de gran potencia dramática a partir de testos preparaos pol direutor cinematográficu ya escritor asturianu Gonzalo Suárez, estrayíos de los memoriales que recuerden la traxedia del alcuentru entre Moctezuma y Hernán Cortés y afechos por el mesmu compositor y Andrés Lima, responsable, pela so parte, de la direición escénica. Amás del tirante clima musical y teatral minuciosamente consiguíos, nesta ópera destaquen les imáxenes creaes pol pintor Broto, qu'asitia nel centru de la escena una pantalla pola que les sos estilizadas astracciones cobren vida al traviés d'un tratamientu informáticu que suxure con rotundidá'l llaberintu mental de los personaxes y el viaxe al traviés d'una viesca de colores y signos de sorprendente plasticidá. (Jorge Fernández Guerra, El País, 4-06-2005).
Premios y distinciones editar
- Premiu Luis Buñuel por La Regenta (1974).
- Prix de La Jeunesse (Gonzalo Suárez: Epílogu). Festival de Cannes, 1984.
- Festival de Rio de Janeiro. Premiu Especial del Xuráu. Epílogu, 1984.
- Premiu al Meyor Guión del Festival international de Paris du film fantastique et de science-fiction por Remando al viento (1987).
- Premios Añales de l'Academia «Goya» por Remando al viento (1987).
- Concha de Plata al meyor direutor nel Festival Internacional de cine de San Sebastián por Remando al viento, 1988.
- Medaya del Círculu d'Escritores Cinematográficos al meyor direutor por Don Juan nos infiernos (1991).[8]
- Premiu Nacional de Cinematografía (1991).
- Premiu Sant Jordi a la Meyor Película: El porteru (2000).
- Premiu Nacional de Cinematografía Nacho Martínez (2003).
- Premiu Terenci Moix (2012)
- Fotogrames de Plata 2012.
- Medaya d'Oru de Belles Artes (03/04/1990).[9]
- Caballeru de les Artes y les Lletres (Francia).
- Medaya de Plata del Principáu d'Asturies
- Fíu Adoptivu de la Ciudá de Llanes
- Direutor honorariu de La Escuela de Cine de Ponferrada (Universidá de Lleón).
- Premiu ABC Cultural & Ámbitu Cultural (2014).
- Caballeru Gran Cruz de la Orde d'Alfonsu X el Sabiu (07/10/2016).[10]
Referencies editar
- ↑ Afirmao en: SNAC. Identificador SNAC Ark: w6wb9w5r. Apaez como: Gonzalo Suárez. Data de consulta: 9 ochobre 2017. Llingua de la obra o nome: inglés.
- ↑ Identificador del Boletín Oficial del Estado: BOE-A-2016-9270.
- ↑ Afirmao en: catálogu de la Biblioteca Nacional Checa. Identificador NKCR AUT: xx0003268. Data de consulta: 30 agostu 2020.
- ↑ Martin Girard
- ↑ www.gonzalo-suarez.com ya Internet Movie Database, datos consultaos el 29 de payares de 2009.
- ↑ Arsénicu por favor
- ↑ [1]
- ↑ «Premios del CEC a la producción española de 1990». CEC. Consultáu'l 16 d'ochobre de 2016.
- ↑ Hemeroteca El País
- ↑ Boletín Oficial del Estáu
Enllaces esternos editar
Wikimedia Commons acueye conteníu multimedia sobre Gonzalo Suárez 
.
Datos: Q1986050- Multimedia: Gonzalo Suárez
