Heavy metal
El Heavy metal (Metal pesao n'inglés, o tamién llamáu Metal, a seques) ye un xéneru musical, siendo una de les ramificaciones más populares de la música Rock, surdida a fines de los años 60 n'Estaos Xuníos y el Reinu Xuníu.
| Heavy metal | ||
|---|---|---|
 | ||
| Oríxenes musicales | Hard rock, Rock psicodélicu, Blues rock | |
| Oríxenes culturales | Fines de los años 60 en Gran Bretaña y Estaos Xuníos, daqué más tarde n'Europa Continental y otres zones | |
| Instrumentos comunes | Guitarra, voz, baxu, batería, teclaos (opcional) | |
| Popularidá | Alta nos años 80, moderada anguaño | |
| Subxéneros | ||
| Thrash metal, Black metal, Doom metal, Gothic metal, Glam metal, Stoner rock, Viking metal, Metal neoclásicu, Metal sinfónicu, Metal progresivu, Folk metal, Groove metal, Industrial metal, Power metal, Metalcore, Sludge metal | ||
| Fusiones | ||
| Grindcore, Rap metal, Crossover thrash, Thrashcore | ||
| [editar datos en Wikidata] | ||
Historia editar
Oríxenes y años 70 editar
Mientres los oríxenes exactos del Metal pesao son desconocíos, pue ser envaloráu que'l xéneru fuera nes etapes tempranes de desenvolvimientu mientres los últimos años de la década de 1960. El Heavy metal (llamáu Hard rock nos sos entamos) tomó emprestaes carauterístiques del Blues rock y el Rock psicodélicu de grupos como The Yardbirds, The Who, The Rolling Stones o inclusive los mesmos Beatles, amestando amplificaciones muncho más robustes, voces agudes, riffs de guitarra estridentes y baxu y batería machacantes.
Ente les primeres bandes y artistes de "Rock duru" en saltar a la fama atópense Jimi Hendrix, The Cream, Blue Cheer, Vanilla Fudge, Alice Cooper, Amboy Dukes o Deep Purple, a quien llueu sumáronse Led Zeppelin y daqué más tarde Black Sabbath, estes trés últimes bandes seríen les que sentaríen les bases del xéneru de manera permanente.
A lo llargo de los años 70 -amás de los citaos- gran cantidá de artistes prauticaron el Heavy metal (nes formes más primitives y cercanes al Rock), como por casu Uriah Heep, Rainbow, Kiss, Hawkwind, Blue Öyster Cult, Rush, Ted Nugent, Queen, AC/DC, Judas Priest, Scorpions, UFO, Motörhead o Thin Lizzy, ente munchos otros.
Años 80 editar
La nueva década traxo apareyada l'apaición de nueves bandes, y la nacencia del Heavy metal puramente dichu (sobremanera a partir de la popularización del términu), que alloñábase gradualmente del Hard rock iniciático, y de los raigaños Blues y psicodéliques.
El Punk foi una gran influencia pa estos grupos nuevos, que arrexuntáronse n'Inglaterra como la NWOBHM (Nueva fola del metal británico), escena que vio nacer a Iron Maiden, Saxon, Def Leppard o Venom, ente otros, de la qu'artistes de la vieya guardia como Black Sabbath o Judas Priest siguíen n'activu, y entá con creciente popularidá.
Mentanto, nos Estaos Xuníos (ya influyida pola NWOBHM) empezóse a xestar la escena Thrash metal americana, la que se desenvolvería a lo llargo de la década, dando lluz a grandes nomes como Metallica, Megadeth, Slayer, Anthrax, Testament o, daqué dempués, Pantera.
Mientres los grupos NWOBHM sumíen (o volvíense estrelles internacionales, como Iron Maiden o Def Leppard), sub-xéneros más estremos diben naciendo del tueru del Thrash metal, como por casu el llamáu Black metal (nome tomáu d'un discu de Venom), sub-estilo que s'empecipia n'Europa con nomes como Bathory, o -más conceptual que musicalmente- los daneses Mercyful Fate. Otres bandes europees de la dómina cercanes -n'espíritu y soníu- surdieron con Kreator, Destruction, Sodom, Celtic Frost o los tamién suizos Coroner. Per otru llau, nos Estaos Xuníos y el norte d'Europa nacía'l sub xéneru denomináu Death metal, una de les variantes más estremes y brutales del Metal, que tuvo como puntales a Death, Possessed, Morbid Angel, los ingleses Carcass o los suecos Entombed. Dende Brasil, el grupu Sepultura empezaba a dase a conocer, faciendo una especie de Thrash entemecíu con carauterístiques propies del Death metal.
Años 90 y 2000 editar
Mientres los años 90 resurde'l Black metal con fuercia dende Escandinavia, que ye refundado dotándolo d'una estructura similar a la del Death metal, arreglada con sonoridaes gótiques y aciages: artistes como Emperor, Burzum, Darkthrone, Enslaved o Borknagar destaquen nesti estilu.
Sub xéneros destacables tamién son el Doom metal, y el Gothic metal, el primeru casi puramente deriváu de Black Sabbath (grupu a quien mismamente llamóse Doom metal), y el segundu xuniendo elementos del Metal y del Post punk (o Rock góticu) nun amiestu homoxéneo. Per otra parte, mientres la década de 1990 el Heavy metal viose fuertemente influyíu pol Grunge, xéneru al que se podría emparentar tantu col Metal como col Punk.
Sub-estilos nuevos fueron surdiendo, y son los qu'animen la rica escena del Heavy metal hasta güei, como por casu el Stoner rock (tamién influyíu por Black Sabbath, Hawkwind y tou lo retro), Groove metal, el Metal industrial (forma más dura del Rock industrial), Folk metal (xeneralmente xuniendo música celta y Metal), Metal progresivu (que tuvo como banda decana a Queensrÿche), o'l Metal sinfónicu, qu'apaeció escontra fines de los 90, con gran carga d'elementos barrocos y operísticos nel so soníu y estética.
Referencies editar
Datos: Q38848
Multimedia: Heavy metal music
