Hemiprocne coronata

especie de páxaru

El andarón arborícola coronáu[1] (Hemiprocne coronata) ye una especie d'ave apodiforme de la familia Hemiprocnidae que vive nel sur d'Asia.

Andarón arborícola coronáu
Estáu de caltenimientu
Esmolición menor (LC)
Esmolición menor (IUCN 3.1)
Clasificación científica
Reinu: Animalia
Filu: Chordata
Clas: Aves
Orde: Apodiformes
Familia: Hemiprocnidae
Xéneru: Hemiprocne
Especie: H. coronata
(Tickell, 1833)
Sinonimia
Hirundo coronata
Hemiprocne longipennis coronata
Consultes
[editar datos en Wikidata]

Distribución y hábitat editar

Alcuéntrase-y dende l'oriente de la India hasta Vietnam y dende Nepal hasta Sri Lanka.[2] Vive en montes y escamplaes arbolaes, per debaxo de los 1.400 m d'altitú.[3]

Descripción editar

 
Pareya na reserva de vida montesa de Kawal, na India.

Mide 21 a 23 cm de llargor. El plumaxe ye de color gris percima y blancu per debaxo. Les llargues ales en forma de flecha son d'un gris más escuru penriba. Presenta cresta bultable y cola llarga y fondamente encruciada. El machu adultu tien árees circumoculares corites y presenta les mexelles y el mentón color anaranxáu. La fema tien una llinia blanca debaxo del güeyu qu'estrema la cabeza gris escura del pescuezu y la graganta abuxaos.[3][4][5]

El so llamáu ye un fuerte kee-kyew.[3]

Alimentación editar

Aliméntase d'inseutos qu'atrapa en vuelu.[5]

Reproducción editar

Constrúi un nial pequeñu pegáu a una caña espuesta d'un árbol. La fema pon un güevu azul buxu y lo guariada xunto col machu. El nial ye tan pequeñu que tienen de posase en posición vertical sobre'l cantu del nial y cubrir el güevu coles plumes inferiores pa guaralo.[6]

Taxonomía editar

Consideróse enantes conespecífico col so pariente oriental Hemiprocne longipennis, pero nun se crucien nin hai híbridus ente ellos nes sos árees de distribución.

Referencies editar

  1. Andarón Arborícola Coronáu (Hemiprocne coronata) (Tickell, 1833); Avibase. Consultada'l 4 de marzu de 2013.
  2. Error de cita: La etiqueta <ref> nun ye válida; nun se conseñó testu pa les referencies nomaes iucn
  3. 3,0 3,1 3,2 Robson, Craig & Richard Allen (2005) New Holland Field Guide to the Birds of South-East Asia: 64, pl.28 (7). London: New Holland Publishers. ISBN 978-1-84330-746-4
  4. Grimmett, Richard; Carol Inskipp & Tim Inskipp (2012) Birds of India. Princeton University Press. ISBN 978-1-40812-763-6
  5. 5,0 5,1 Chantler, P & G. Driessens (1995) Swifts: A Guide to the Swifts and Treeswifts of the World Sussex: Pica Press. ISBN 1-873403-83-6
  6. Hansell, Mike (2000) Bird Nests and Construction Behaviour: 153, fig. 6.1. Cambridge University Press. ISBN 0-521-46038-7