Islla del Príncipe Patrick
La islla del Príncipe Patrick ye islla más occidental del archipiélagu de les islles de la Reina Isabel. Alministrativamente, pertenez a los Territorios del Noroeste, Canadá.
| Islla del Príncipe Patrick | |
|---|---|
 | |
| Alministración | |
| País |  Canadá |
Territorio (es)  |  Territorios del Noroeste |
| Tipu d'entidá | islla |
| Xeografía | |
| Coordenaes | 76°45′N 119°30′W / 76.75°N 119.5°O |
 | |
| Superficie | 15848 km² |
| Demografía | |
| Población | 0 hab. |
| Densidá | 0 hab/km² |
| Más información | |
| Estaya horaria | UTC−07:00 |
 | |
Xeografía editar
La islla tien una superficie de 15.848 km², que la asitia, por tamañu, como la 6ª islla del archipiélagu, la 14ª de Canadá y la 55ª del mundu.[1] Ta arrodiada de xelu mientres tol añu, siendo una de les árees más inaccesibles de Canadá. Ta nel cantu esterior del archipiélagu y tien al esta islla Eglinton, islla Melville ya islla Emerald y al nordeste, islla Mackenzie King. Hai delles islles pequeñes próximes, como islla de Fitwilliam Owen, islla Eight Bears y el grupu d'islles Polynia.
Alcontrada al norte de la entrada del estrechu de McClure, el postreru de los tramos del Pasu del Nororeste, que xune'l Melville Sound col Mar de Beaufort, la islla tien un llargor en direición SO-NE d'unos 240, y un anchor de 110 km
Les sos mariñes tán bañaes na so ribera noroccidental peles agües abiertes del océanu Árticu, un tramu costeru onde s'atopa na so parte más septentrional la badea Satellite, y, a metá de la islla, la badea Hardinge; na so parte sur, bañenla les agües del estrechu de McClure, un pequeñu tramu con fondos entrantes, como badea Dyer, badea Wolley, el Walker Inlet y la badea Butter; na ribera suroriental, les sos mariñes abren a la canal Crozier (que la dixebra d'islla Eglinton), un tramu de mariña nel qu'hai dos grandes entrantes, la badea Mould y el Intrepid Inlet; siguen depués les agües del estrechu Fitzwilliam (que la dixebra de les islles Melville y Emerald), coles badees de Jameson y Moore.
El puntu más al norte ye cabu Leopold Mcclintock; el más oriental, punta Griffiths; el más meridional, cabu Mecham; y, el más oriental, cabu Ludlow Rich.
L'altitú máxima de la islla ye d'apenes 277 m, siendo una área activa sísmicamente.[2]
Historia editar
La islla del Príncipe Patrick foi esplorada per primer vegada por Francis Leopold McClintock na so espedición al árticu de 1853. Foi nomada asina, muncho depués, n'honor al príncipe Arthur William Patrick, duque de Connaught, que foi gobernador de Canadá (1911-16).
La islla del Príncipe Patrick ta despoblada y nun hai, nin que se sepa hubo, presencia humana. En 1948 abrióse la Estación Meteorolóxica del Altu Árticu, denominada Mould Bay, como parte del esfuerciu común canadiense y estauxunidense por crear una rede d'estaciones meteorolóxiques. Tuvo una población d'ente 10 y 40 científicos. La estación cerró en 1997, al pasar a ser una estación automática. L'edificiu entá se caltién de pies.
Notas editar
Bibliografía editar
- Frebold, Hans. Fauna, Age and Correlation of the Jurassic Rocks of Prince Patrick Island. Ottawa: E. Cloutier, Queen's printer, 1957.
- Harrison, J. C., and T. A. Brent. Basins and fold belts of Prince Patrick Island and adjacent areas, Canadian Arctic Islands. [Ottawa]: Geological Survey of Canada, 2005. ISBN 0-660-19008-7
- Miller, F. L. Peary Caribou and Muskoxen on Prince Patrick Island, Eglinton Island, and Emerald Isle, Northwest Territories, July 1986. [Edmonton]: Canadian Wildlife Service, 1987. ISBN 0-662-15652-8
- Pissart, A. The Pingos of Prince Patrick Island (760N - 1200W). Ottawa: National Research Council of Canada, 1970.
- Tedrow, John C. F., P. F. Bruggemann, and Grant Fontain Walton. Soils of Prince Patrick Island. Research paper (Arctic Institute of North America), no. 44. Washington: Arctic Institute of North America, 1968.
Datos: Q213146
Multimedia: Prince Patrick Island
