Islles menores de la Sonda

Islles menores de la Sonda
	Nusa Tenggara (id)
Situación
Tipu	archipiélagu
Parte de	Indonesian Archipelago (en)
Asitiáu en	Océanu Índicu
Coordenaes	10°09′49″S 123°35′25″E / 10.16361°S 123.59028°E
	Islles menores de la Sonda Islles menores de la Sonda (Indonesia)
Datos
Altitú media	3726 m
Puntu más altu	Monte Rinjani (es)
Superficie	87 000 km²
Fusu horariu	UTC+08:00

Les islles menores de la Sonda, o Nusa Tenggara, son un grupu d'islles alcontraes na parte centro-sur del archipiélagu malayu. Xunto coles islles mayores de la Sonda, al oeste, conformen les islles de la Sonda.

Alministración editar

Repártense ente les provincies indonesies de Bali, les Islles Menores de la Sonda Occidentales (n'indonesiu: Nusa Tenggara Barat), les Islles Menores de la Sonda Orientales (n'indonesiu: Nusa Tenggara Timur), Moluques (n'indonesiu: Maluku) y l'estáu independiente de Timor Oriental (en tetun: Repúblika Demokrátika Timor Lorosa'y, y en portugués: República Democrática de Timor-Leste).

Islles del grupu editar

Les principales islles del grupu son les siguientes:

Xeoloxía editar

Les islles menores de la Sonda formen parte del arcu de Sonda y estiéndense a lo llargo de la llinia de choque ente dos plaques tectóniques, la Euroasiática y la Indoaustraliana, y constitúin una de les rexones más complexes y de más actividá volcánica del mundu.^[1] Esta actividá tectónica determina tantu la biodiversidá como la distribución y formación de les islles.

Les cadena d'islles asitiaes al norte de la rexón son d'orixe volcánicu y xeolóxicamente nuevos yá que la so formación dataría de hai 15 millones d'años. Nunca formaron parte d'una masa continental, con esceición de Bali que pertenecía a la plataforma continental de la Sonda nel Pleistocenu. Bali taba dixebrada del restu de les islles pol fondu estrechu de Lombok que coincide col pasu de la fuesa de Wallace. Al este d'esti estrechu, la mayor parte de les islles taben xuníes nuna llarga cadena insular d'unos 650 km de llongura qu'incluyía les actuales islles de Lombok, Sumbawa, Komodo, Flores, Solor, Adonara, y Lembata. Al este, Pantar y Alor yeren una sola islla. Les islles asitiaes al sur de la cadena, como Timor, Sumba y Babar, siempres tuvieron aisllaes y constitúin una entidá xeolóxica distinta.

Pol so particular aislamientu xeolóxicu y biolóxicu, les islles menores de la Sonda (sacante Bali) pertenecen a la Wallacea, una rexón bioxeográfica de transición ente Asia y Oceanía.

Notes y referencies editar

↑ K. A. Monk, Y. Fretes, G. Reksodiharjo-Lilley, The Ecology of Nusa Tenggara and Maluku, Periplus Editions Ltd., 1996, p. 9, Hong Kong, ISBN 962-593-076-0

[1] K. A. Monk, Y. Fretes, G. Reksodiharjo-Lilley, The Ecology of Nusa Tenggara and Maluku, Periplus Editions Ltd., 1996, p. 9, Hong Kong, ISBN 962-593-076-0

[1]