Jenny Hempel de Munthe (19 de febreru de 1882 – 13 de xineru de 1975) foi una pionera en fisioloxía vexetal danesa.[3] En 1916 foi la primer muyer danesa en recibir un doctoráu nuna disciplina botánica – y hasta 1956 la única. Afayó les fluctuaciones diurnes d'acidez na cazumbre de les plantes esundioses, que güei se sabe ta rellacionáu col metabolismu acedu de les crasulácees.

Jenny Hempel
Vida
Nacimientu 19 de febreru de 1882[1]
Nacionalidá Bandera de Dinamarca Dinamarca
Muerte 13 de xineru de 1975[2] (92 años)
Familia
Casada con Wilhelm Munthe (1917 – )[1]
Fíos/es
Estudios
Estudios Universidá de Copenḥague
Alumna de Wilhelm Johannsen (es) Traducir
Oficiu botánicaescritora de ciencia
Cambiar los datos en Wikidata

Biografía editar

Jenny Hempel yera fía d'un boticariu de Copenḥague. Estudió fisioloxía vexetal col profesor Wilhelm Johannsen, xunto con P. Boysen Jensen. Llogró'l grau de magister en 1911 polos sos estudios nel efeutu del éter na crecedera vexetal.[4] Depués trabayó con S. P. L. Sørensen nel Llaboratoriu Carlsberg. Ellí estudió'l pH de la cazumbre vexetalsobremanera les fluctuaciones diurnes n'acidez de la cazumbre en plantes ensundioses, reparaes per primer vegada por Benjamin Heyne. Defendió la so tesis de PhD sobre esa tema en 1916 siendo la primer muyer danesa en llogralo.[5] En 1917 casóse col bibliotecariu noruegu Wilhelm Munthe, con quien tuvo dos fíos. Dempués del so matrimoniu abandonó la so carrera científica.

Los sos descubrimientos abrieron posibilidaes más amplies d'investigación sobre'l pH de suelos y plantes, realizaes por Christen Raunkiær y el so estudiante Carsten Olsen.

Delles publicaciones editar

  • 1916. Bidrag til kundskaben om Succulenternes Fysiologi: En plantefysiologisk studie, &c. Publicó Hagerup, 148 p.
  • 1914. Stoffernes Kredsløb i Naturen, set fra plantefysiologisk Standpunkt. Udgivet af Universitetsudvalget. 15 p.
  • 1911. Researches Into the Effect of Etherization on Plant-metabolism, v. 6 de Kongelige Danske Videnskabernes Selskab. Naturvidenskabelig og Mathematisk Afdeling: Skrifter. Raekke 7. Publicó Høst, 65 p.

Referencies editar

  1. 1,0 1,1 «Norsk biografisk leksikon» (bokmål). Kunnskapsforlaget.
  2. «Døde 1951 - 2014». Norwegian Institute of Public Health. Consultáu'l 31 marzu 2021.
  3. Müller, D. (1975) Obituary in Botanisk Tidsskrift v. 70 (2-3): 193.
  4. Hempel, J. (1911) Researches into the effect of etherization on plant metabolism.
  5. Hempel, J. (1916) Bidrag til Kundskaben om Succulenternes Fysiologi. 147 pp.

Enllaces esternos editar