Kingston (Islla Norfolk)
Kingston ye la capital del territoriu esternu australianu de la Islla Norfolk, asitiáu nel Pacíficu Sur, ente Australia, Nueva Zelanda y Nueva Caledonia. La ciudá alcuéntrase na mariña meridional de la islla principal d'esti archipiélagu, compuestu por otres dos islles (Islla Phillip y Islla Nepean).
 Kingston | |
|---|---|
 | |
| Alministración | |
| País |  Australia |
| Territoriu esternu |  Islla Norfolk |
| Tipu d'entidá | ciudá |
| Códigu postal |
2899 |
| Xeografía | |
| Coordenaes | 29°03′00″S 167°58′00″E / 29.05°S 167.9667°E |
  Kingston Kingston (Islla Norfolk) | |
| Altitú | 20 m |
| Más información | |
| Fundación | 1788 |
| pitcairners.org… | |
 | |
Historia editar
Esti asentamientu asítiase nel llugar onde'l teniente británicu Philip Gidley King y otros 22 colonos (incluyendo 9 convictos varones y 6 convictas muyeres) llegaron a la islla'l 6 de marzu de 1788, pocu menos de dos meses dempués d'establecese la colonia británica de Nueva Gales del Sur. Kingston sería asina l'asentamientu orixinal de los colonos occidentales n'Islla Norfolk. Sicasí, esti asentamientu foi abandonáu en 1814, y los edificios fueron destruyíos pa evitar qu'otres persones los ocuparan.[1] En 1825, la islla foi reocupada, esta vegada como una colonia penal británica con capacidá pa 2000 presos. La colonia ganó fama de someter a los prisioneros a un tratamientu brutal, y foi cerrada pola presión pública ente 1855 y 1856.[2]
Nel 2004, el Ministru de Tierra y Ambiente australianu Ivens "Toon" Buffett foi asesináu na ciudá; este foi'l segundu asesinatu conocíu na islla dende 1893.[3][4]
Anguaño la ciudá ye pocu más que'l centru alministrativu d'esti territoriu autónomu australianu, ensin que funcione malapenes como asentamientu. La capital de facto ye la ciudá de Burnt Pine, nel interior de la islla, que ye'l verdaderu centru económicu y vital de la islla.
Comunicaciones editar
L'aeropuertu más cercanu a Kingston ye'l d'Islla Norfolk, dende'l que l'aereollinia local Norfolk Air y Air New Zealand conecten regularmente la islla con Auckland y con delles de les principales ciudaes australianes, como Brisbane, Melbourne, Newcastle o Sydney.
Coles mesmes, dende Kingston puede llegase per carretera a la ciudá de Burnt Pine, nel interior de la islla.
Per vía marítima les comunicaciones son más complicaes. La Islla Norfolk tien la mayoría de les sos mariñes formaes por altos cantiles, polo qu'hai poques instalaciones portuaries segures. Con esti panorama les más segures y utilizaes son los muelles de descarga qu'hai na ribera de la mesma ciudá de Kingston.
Clima editar
 Parámetros climáticos permediu de Kingston 
| |||||||||||||
|---|---|---|---|---|---|---|---|---|---|---|---|---|---|
| Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
| Temperatura máxima media (°C) | 25.6 | 25 | 24.4 | 22.8 | 20.6 | 19.4 | 18.3 | 18.3 | 19.4 | 20.6 | 22.2 | 23.9 | 21.7 |
| Temperatura mínima media (°C) | 19.4 | 20 | 19.4 | 18.3 | 16.1 | 15.6 | 13.9 | 13.3 | 13.9 | 15.6 | 16.7 | 18.3 | 16.7 |
| Precipitación total (mm) | 83.8 | 109.2 | 94 | 127 | 144.8 | 139.7 | 154.9 | 137.2 | 94 | 94 | 66 | 86.4 | 1331 |
| Fonte: Weatherbase [5] | |||||||||||||
Imáxenes editar
-
Edificios del penal. -
Emily Bay. -
Araucaria de la Islla de Norfolk. -
Ruines del antiguu penal. -
Embarcanción atracada en Kingston. -
Barcu atracando nos muelles de la islla.
Bibliografía consultada editar
- Rottman, Gordon L. (2002). World War II Pacific Island Guide. Greenwood Publishing Group. ISBN 0-313-31395-4.
Referencies editar
- ↑ Mylne, Lee (19 de mayu de 2006). «Voices in the wind» (inglés). The Australian. Consultáu'l 22 d'agostu de 2009.
- ↑ Rottman, 2002:72
- ↑ Gibbs, Stephen (20 de xunetu de 2004). «Norfolk minister shot dead at his desk» (inglés). The Sydney Morning Herald. Consultáu'l 22 d'agostu de 2009.
- ↑ «Man remanded over Norfolk Island killing» (inglés). The New Zealand Herald (2 de febreru de 2006). Consultáu'l 22 d'agostu de 2009. «Senior government minister Ivens "Toon" Buffett is found shot dead in his parliamentary office, the second murder on the island.»
- ↑ «Weatherbase: Historical Weather for Kingston, Norfolk Island» (inglés). Weatherbase (2011). Consultáu'l 24 de payares de 2011.
Enllaces esternos editar
Wikimedia Commons acueye conteníu multimedia sobre Kingston.- Kingston (n'inglés)
- Gobiernu de la Islla Norfolk (n'inglés)
Datos: Q30963- Multimedia: Kingston, Norfolk Island
