Wikipedia

Klement Gottwald

políticu checoslovacu

Klement Gottwald (23 de payares de 1896, Dědice (en) Traducir – 14 de marzu de 1953, Praga) foi un destacáu políticu comunista checoslovacu, qu'a lo llargo de la so carrera ocupó los cargos Secretariu Xeneral y líder del Partíu Comunista de Checoslovaquia (1929-1953), Primer Ministru (1946-1948) y Presidente de la República (1948-1953).

Klement Gottwald
Presidente de Checoslovaquia

14 xunu 1948 - 14 marzu 1953
← Edvard Beneš - Antonín Zápotocký →
Prime Minister of Czechoslovakia (en) Traducir

2 xunetu 1946 - 15 xunu 1948
← Zdeněk Fierlinger - Antonín Zápotocký →
secretario general del Partido Comunista de Checoslovaquia (es) Traducir

Vida
Nacimientu Dědice (en) Traducir[1], 23 de payares de 1896[2]
Nacionalidá Checoslovaquia
Residencia Q31956173 Traducir
Muerte Praga[3], 14 de marzu de 1953[2] (56 años)
Sepultura Cementerio de Olšany (es) Traducir[4]
Causa de la muerte infartu de miocardiu
Familia
Casáu con Marta Gottwaldová (1928 – 1953)
Fíos/es Marta Čepičková
Familia
Estudios
Llingües falaes checu[5]
Oficiu políticu
Premios
Serviciu militar
Lluchó en Primer Guerra Mundial
Creencies
Partíu políticu Partido Comunista de Checoslovaquia (es) Traducir
IMDb nm0332084
Cambiar los datos en Wikidata

Biografía editar

Mientres la Primer Guerra Mundial Gottwald lluchó encuadráu nel Exércitu Austrohúngaru.[9]

Fundador del Partíu Comunista de Checoslovaquia (KSC) en 1921, hasta 1926 foi l'editor del so órganu Rudé právo y lliberáu n'Eslovaquia. Miembru del Comité Central dende 1925, foi Presidente de la Comisión Central Política y de Propaganda (1926-1929), diputáu (1929-1948) y Secretariu de la Internacional Comunista (1935-1943).

Mientres la ocupación nazi del país (1938-1945) se exilió na Xunión Soviética, dende onde siguió dirixendo'l Partíu. En marzu de 1945, Edvard Beneš, Presidente electu de Checoslovaquia (1935-1938) y líder del Gobiernu Checoslovacu nel Exiliu en Londres dende 1941, aportó a formar un gobiernu de coalición basáu nel Frente Nacional xunto a Gottwald. Electu miembru del primer gobiernu checoslovacu de posguerra tres les eleiciones de 1946, nes cualos los comunistes yeren el partíu más votáu, Gottwald foi nomáu Primer Ministru.[10]

El 9 de mayu de 1948, tres el Golpe de Praga de febreru d'esi añu que llevó al Partíu Comunista al poder, l'Asamblea Nacional aprobó una nueva carta magna (la Constitución del 9 de mayu). El Presidente Benes refugó roblar la nueva llexislación y dimitió el 7 de xunu (morrería tres meses dempués). El 14 de xunu, el parllamentu escoyó a Klement Gottwald como Presidente del país.[9] Lleal estalinista, dirigó les nacionalizaciones de la industria y la coleutivización de l'agricultura. Ante les primeres resistencies a la influencies del Partíu Comunista de la Xunión Soviética (PCUS) na política checoslovaca Gottwald socatró una serie de purgues, primero cesando a los dirixentes non comunistes y más tarde a importantes dirixentes del KSC como'l so Secretariu Xeneral, Rudolf Slansky, o'l Ministru d'Asuntos Esteriores, Vlado Clementis, executaos tres los Xuicios de Praga de 1951.

Gottwald finó en 1953,[11] tan solu cinco díes dempués d'asistir al funeral de Stalin en Moscú, el 9 de marzu. Morrió por cuenta de la obstrucción d'una arteria productu d'un enllargáu infartu. Foi releváu como Presidente de la República por Antonín Zápotocký, Primer Ministru dende 1948 y como líder del Partíu por Antonín Novotný. Darréu dar# en embalsamar el so cádaver y empezaron les obres p'alza-y un mausoléu nel llugar del monumentu a Jan Žižka nel distritu Žižkov de Praga. L'embalsamamientu nun dio resultancia y la momia descompúnxose, polo que foi encenráu en 1962.

Homenaxes póstumos editar

 
Celebración del Día Internacional de la Infancia de 1949, en Budapest, Hungría. La semeya amuesa la delegación de Checoslovaquia a la izquierda ye una semeya Gottwald, a la derecha de Stalin.

Dellos llugares fueron renombraos nel so honor: Zlín, ciudá de Moravia, foi renombrada Gottwaldov ente 1949 y 1990; Zmiiv, ciudá del Óblast de Kharkiv n'Ucraína, foi renombrada Hotvald (1976-1990); la Plaza de la Llibertá de Bratislava (capital de Eslovaquia) foi renombrada "Plaza de Gottwald". Tamién se renombró una condecoración, que pasó a llamase Orde de Klement Gottwald pola Construcción de la Patria Socialista.

Ver tamién editar

Referencies editar

  1. ↑ «catálogu de la Biblioteca Nacional Checa». Consultáu'l 20 abril 2021.
  2. ↑ 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. ↑ Afirmao en: BillionGraves. BillionGraves grave ID: 16408446. Llingua de la obra o nome: inglés.
  5. ↑ «idRef» (francés). Agencia Bibliográfica de Enseñanza Superior. Consultáu'l 22 mayu 2020.
  6. ↑ «Čestná občanství a Ceny města Třebíče: Třebíč». Consultáu'l 16 abril 2023.
  7. ↑ URL de la referencia: https://www.valka.cz/Rad-25-unora-1949-t88194. Data de consulta: 22 payares 2020.
  8. ↑ URL de la referencia: https://www.plzen.eu/obcan/o-meste/informace-o-meste/oceneni-mesta/chap_342/oceneni-mesta.aspx.
  9. ↑ 9,0 9,1 Bernard A. Cook (2001). Europe Since 1945: An Encyclopedia, Volume 1, páx. 526
  10. ↑ Bernard A. Cook (2001). Europe Since 1945: An Encyclopedia, Volume 1, páx. 108
  11. ↑ Bernard A. Cook (2001). Europe Since 1945: An Encyclopedia, Volume 1, páx. 251

Enllaces esternos editar


Predecesor:
Zdenek Fierlinger
 
Primer ministru de Checoslovaquia
1946 - 1948 		Socesor:
Antonín Zápotocký
Predecesor:
Edvard Beneš
 
Presidente de Checoslovaquia
1948 - 1953 		Socesor:
Antonín Zápotocký
 
Sacáu de «https://ast.wikipedia.org/w/index.php?title=Klement_Gottwald&oldid=3923373»