Landtag (plural: Landtage; oficialmente, Parllamentu Rexonal;[1] y tamién traducíu como Asamblea)[2] ye'l nome alemán de la mayoría de los parllamentos de cada unu de los Estaos federaos d'Alemaña. Les sos funciones principales son el control del gobiernu rexonal, la llexislación rexonal y la votación del presupuestu de cada Estáu federáu.

Parllamentu Rexonal So Saxón, 2007.

Les eleiciones a los Landtage nun tán coordinaes; el periodu de llexislatura ye de cuatro años en Bremen y de cinco años nos demás Estaos. Nos trés ciudaes-estáu, los parllamentos rexonales lleven otros nomes: Abgeordnetenhaus (Casa de Diputaos) en Berlín y Bürgerschaft (Ciudadanía) en Bremen y Hamburgu.

Eleiciones editar

Manera d'eleición editar

La manera d'eleición depende de les lleis correspondientes de cada Estáu federáu. Sicasí, casi tolos Estaos federaos preven un sistema de votu proporcional personalizáu.

Tolos Estaos federaos tán partíos en distritos eleutorales; y en cada distritu eleutoral un diputáu ye escoyíu con un "mandatu direutu" por mayoría simple al Landtag. Amás, cada partíu tien una llista eleutoral que los sos miembros entren nel Landtag si un partíu en total llogró un mayor porcentaxe de votos de los que tán yá reflexaos polos mandatos direutos que ganó. (En Bremen y Sarre, sicasí, nun esisten los mandatos direutos).[3]

Fecha de les eleiciones editar

La fecha de les eleiciones ye definida pol Landtag mesmu o pol ministeriu d'Interior rexonal. Poro, les eleiciones rexonales n'Alemaña nun suelen coincidir.

Esto foi criticáu repetidamente, una y bones los resultaos d'estes eleiciones inflúin na composición del Bundesrat (Cámara Alta del parllamentu alemán), que tien un papel esencial na política federal. Poro, el gran númberu de feches eleutorales rexonales provoca, según los críticos, una "campaña eleutoral continua" que paraliza la política. Como solución propúnxose l'allargamientu de los periodos de llexislatura de los Landtage o la coincidencia de toles eleiciones rexonales na mesma fecha. Sicasí, esta midida riquiría cambeos na Constitución alemana, polo que la so realización ye más bien improbable.

Pel momento, hai una coordinación voluntaria de la fecha eleutoral nos siguientes Estaos federaos:

Llista de Landtags editar

Enllaces esternos editar

Páxina web de los Landtage (toes n'alemán):

Baden-Württemberg: http://www.landtag-bw.de
Baxa Saxonia: http://www.landtag-niedersachsen.de
Baviera: http://www.bayern.landtag.de
Berlín: http://www.parlament-berlin.de
Brandemburgu: http://www.landtag.brandenburg.de
Bremen: http://www.bremische-buergerschaft.de
Hamburgu: http://www.hamburgische-buergerschaft.de
Hesse: http://www.hessischer-landtag.de
Mecklemburgu-Antepomerania: http://www.landtag-mv.de
Renania del Norte-Westfalia: http://www.landtag.nrw.de
Renania-Palatináu: http://www.landtag.rlp.de
Saxonia: http://www.landtag.sachsen.de
Saxonia-Anhalt: http://www.landtag.sachsen-anhalt.de
Sarre: http://www.landtag-saar.de
Schleswig-Holstein: http://www.sh-landtag.de
Turinxa: http://www.landtag.thueringen.de

Referencies editar