Llaranes

Llaranes ye un barriu del conceyu asturianu d'Avilés, construyíu (El Poblao de Llaranes) nos años 50 p'acoyer a los trabayadores que vinieron de tol estáu a trabayar na empresa siderúrxica Ensidesa (actual Arcelor-Mittal). Construyéronse viviendes pa los trabayadores y les sos families, asina como servicios complementarios: colexu, ilesia, campos deportivos, economatu, etc.

Llaranes
Alministración
País	España
Autonomía	Principáu d'Asturies
Provincia	provincia d'Asturies
Conceyu	Avilés
Tipu d'entidá	barriu
Xeografía
Coordenaes	43°30′N 5°54′W
Llaranes Llaranes (Asturies)
Más información
Estaya horaria	UTC+01:00

Anguaño'l barriu xébrase en "Llaranes vieyu" (anterior a l'aporte d'Ensidesa y compriende la zona y cais alredor de l'antigua ilesia de San Llorienzu, patrón de Llaranes) y "El Poblao de Llaranes", (bloques de dos pisos y pantalles de trés, construíes nos años 50, asina como La Espina: edificios de 8 a 10 plantes, construíu nos años 70).

Rescamplen tamién les instalaciones deportives de La Toba, con varios campos de fútbol y un de ḥoquei d'herba artificial, pista d'atletismu, pistes de tenis, polideportivu, etc.

Hai un estadiu de fútbol llamáu "Estadiu de Santa Bárbara”, onde xugaron l'equipu de fútbol C.D. Ensidesa y llueu el Real Avilés Industrial .

Hai dos colexos d'educacion primaria colos sos respeutivos parvolinos, el Colexu Públicu de Llaranes y el Colexu Públicu Apolinar Garcia Hevia.

Nel barriu hai un equipu de fútbol, el Llaranes C.F., que milita en Primera Rexonal.

Enllaces esternos

• Wikimedia Commons acueye conteníu multimedia sobre Llaranes .

• Llaranes n'OpenWeatherMap

• Datos: Q3826761
• Multimedia: Llaranes