Lucy Weston Pickett
Lucy Weston Pickett (19 de xineru de 1904, Beverly (es) 
– 23 de payares de 1997, Bradenton (es) ) foi una química estauxunidense, renombrada poles sos investigaciones de molécules orgániques por cristalografía de rayos X y espectroscopia d'absorción ultravioleta.[4]
Lucy Weston Pickett | |
|---|---|
 | |
| Vida | |
| Nacimientu |
Beverly (es) , 19 de xineru de 1904[1] |
| Nacionalidá |
 Estaos Xuníos |
| Muerte |
Bradenton (es) [2], 23 de payares de 1997 (93 años) |
| Estudios | |
| Estudios |
Universidá d'Illinois n'Urbana-Champaign 1930) Philosophiæ doctor Mount Holyoke College (es) |
| Oficiu | química |
| Emplegadores |
Mount Holyoke College (es) Royal Institution (es) Goucher College (es) Universidá de Liexa |
| Premios | |
| Miembru de | Academia de les Artes y les Ciencies d'Estaos Xuníos |
 | |
Infancia y educación editar
Pickett nació'l 19 de xineru de 1904 en Beverly, Massachusetts. Los sos padres fueron Lucy Weston, maestra y direutora d'escuela primaria, y George Ernest Pickett, marineru. El so hermanu, Thomas Austin Pickett tamién foi químicu d'oficiu. Dempués d'asistir al institutu en Beverly, Pickett empecipió estudios cimeros na Universidá Mount Holyoke en South Hadley, Massachusetts, en 1921.[5] Llicencióse summa cum laude en 1925 y recibió un máster en Químiques en 1927. Llogró un doctoráu en Química analítica pola Universidá d'Illinois en 1930.[6] Pal so disertación de doctoráu, esploró los efeutos de los rayos X en reacciones químiques y estudió les estructures de compuestos orgánicos.[5]
Carrera editar
Pickett enseñó en Illinois y Goucher College antes de tornar a Mount Holyoke en 1930, onde permaneció hasta la so xubilación en 1968, sacante mientres curtios periodos. Ente 1932 y 1933 realizó un postdoctorado en Londres col cristalógrafo y Premiu Nobel William Bragg na Institución Real. Al so regresu intentó aplicar los sos acabante adquirir conocencies en cristalografía de rayos X, pero la so universidá nun cuntaba cola instrumentación necesaria, polo que decidió utilizar téuniques de espectroscopia nel so llugar, cola ayuda de los sos colegues Emma Perry Carr y Mary Sherrill.[6] En 1939 llogró una beca d'investigación pa trabayar col espectroscopista Victor Henri na Universidá de Liexa en Bélxica, y con George Kistiakowsky en Harvard.[5] En 1945 consiguió'l puestu de catedrática de química y ente 1947 y 1948 foi profesora visitante na Universidá de Berkeley y collaboró mientres un mes con Linus Pauling.[6]
Pickett algamó reconocencia tanta poles sos actividaes científiques como pol so llabor como educadora; amás de les sos publicaciones nel campu de la espectroscopia, escribió un artículu sobre métodos pa enseñar química. [6] Los sos colegues y alumnos establecieron una fundación col so nome, Lucy Pickett, pa convidar a conferenciantes escepcionales a impartir seminarios en Mount Holyoke. El primeru d'ellos foi Robert Mulliken, premiu Nobel de Química en 1966, con quien Pickett publicara un artículu en 1954 sobre l'estudiu por espectroscopia del ion bencenio.[6] Nos años 70, Pickett solicitó que los fondos fueren usaos pa homenaxar a muyeres científiques.[6]
Honores y premiu editar
- Socio de l'Academia de les Artes y les Ciencies d'Estaos Xuníos en 1955.[8]
- la Sociedá Química Americana dio-y en 1957 la Medaya Francis P. Garvan pola so investigación en espectroscopia molecular.
- Recibió doctoraos honoris causa de Ripon College y Mount Holyoke en 1958 y 1975 respeutivamente.[5]
Referencies editar
- ↑ Afirmao en: The Biographical Dictionary of Women in Science. Tomu: 2. Páxina: 1020. Editorial: Routledge. Llingua de la obra o nome: inglés. Data d'espublización: 16 avientu 2003. Autor: Marilyn Bailey Ogilvie.
- ↑ URL de la referencia: https://www.mtholyoke.edu/stories/lucy-weston-pickett-mary-lyon-professor-1930-1968.
- ↑ URL de la referencia: https://www.acs.org/content/acs/en/funding-and-awards/awards/national/bytopic/francis-p-garvan-john-m-olin-medal.html. Data de consulta: 27 agostu 2017.
- ↑ «Lucy Picket» (inglés). Mount Holyoke College. Consultáu'l 7 de marzu de 2014.
- ↑ 5,0 5,1 5,2 5,3 (1997) «Lucy Weston Pickett», Shearer, Benjamin F.: Notable Women in the Physical Sciences: A Biographical Dictionary, 1st (n'inglés), Westport, Connecticut: Greenwood Press, páx. 311–314. ISBN 978-0-313-29303-0.
- ↑ 6,0 6,1 6,2 6,3 6,4 6,5 Ogilvie, Marilyn; Harvey, Joy (2003). The Biographical Dictionary of Women in Science: Pioneering Lives From Ancient Times to the Mid-20th Century (n'inglés). Routledge, páx. 1020. ISBN 9781135963439.
- ↑ «Obituariu» (inglés). New and Notable; the college street journal. Mount Holyoke College. Archiváu dende l'orixinal, el 1 de xunetu de 2016.
- ↑ «Book of Members, 1780–2010: Chapter P» (inglés). American Academy of Arts and Sciences. Consultáu'l 22 de xunetu de 2014.
Datos: Q7236
