Macheiramphus alcinus

especie de páxaru


El Bilanu murcielaguero (Macheiramphus alcinus) ye una especie d'ave accipitriforme de la familia Accipitridae.[2] Ye nativu del África subsaḥariana, el sur d'Asia y Nueva Guinea.[1] Ye la única especie de la so xéneru.[2]

Macheiramphus alcinus
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Accipitriformes
Familia: Accipitridae
Xéneru: Macheiramphus
Bonaparte, 1850
Especie: M. alcinus
Bonaparte, 1850[2]
Distribución
Especies
Ver testu
Consultes
[editar datos en Wikidata]

Descripción editar

M. alcinus ye una ave de presa delgada, de tamañu mediu, polo xeneral unos 45 cm de llargu. Tien ales llargues y una figura asemeyada a la d'un ferre. Los adultos son de color marrón escuru o negru, con una mancha blanca nel gargüelu y el pechu. Tienen una raya blanca percima y debaxo de cada güeyu. Los exemplares nuevos tienen un plumaxe de color marrón motudu y tienen más plumes blanques que los adultos.

Comportamientu editar

El bilanu murcielaguero ye crepuscular y suel cazar al escurecer. Aliméntase principalmente d'esperteyos, anque la so dieta tamién inclúi aves pequeños y inseutos. Caza les sos preses nel vuelu, escorriéndoles a alta velocidá. Alredor del 49% de les sos caceríes tien ésitu.[3]

Distribución y hábitat editar

El so área de distribución estendese pol África subsaḥariana, y del sur d'Asia hasta la islla de Nueva Guinea.[1] Puede vivir en gran variedá de hábitats, dende selves tropicales hasta zones semiáridas, pero rique d'espacios abiertos pa poder cazar.

Subespecies editar

 
Distribución de les subespecies.
Colloráu: M. a. andersonii
Púrpura: M. a. alcinus
Negru: M. a. papuans

Reconócense tres subespecies, incluyendo la subespecie tipu:[2]

Referencies editar

  1. 1,0 1,1 1,2 BirdLife International (2009). «'Macheiramphus alcinus'» (inglés). Llista Roxa d'especies amenazaes de la UICN 2010.4. Consultáu'l 16 d'abril de 2011.
  2. 2,0 2,1 2,2 2,3 Sistema Integráu d'Información Taxonómica. «Macheiramphus alcinus (TSN 824088)» (inglés). Consultáu'l 16 d'abril de 2011.
  3. H. L. Black, G. Howard, R. Stjernstedt. (1979). Observations on the Feeding Behavior of the Bat Hawk. Biotropica, Vol. 11, Non. 1, páxs. 18-21

Enllaces esternos editar