Macroglossum stellatarum

especie d'inseutu

La esfinxe colibrí (Macroglossum stellatarum) ye una especie de lepidópteru ditrisio de la familia Sphingidae. Vive nel sur d'Europa, incluyendo la Península Ibérica, norte d'África y centru dAsia, India ya Indochina. Recibe'l nome pol so vuelu y forma d'alimentación, que s'asemeyen a los del colibrí.[1][2] Vuela n'Asturies.[3]

Macroglossum stellatarum
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Suborde: Glossata
Infraorde: Heteroneura
División: Ditrysia
Familia: Sphingidae
Subfamilia: Macroglossinae
Tribu: Macroglossini
Subtribu: Macroglossina
Xéneru: Macroglossum
Especie: M. stellatarum
Linnaeus, 1758
Distribución
Consultes
[editar datos en Wikidata]

Descripción editar

 
Macroglossum stellatarum
 
Gata de Macroglossum stellatarum
 
Macroglossum stellatarum sobre Phyteuma orbiculare

El valumbu de les ales ye de 40-45 mm. Les delantreres son pardes con llinies y puntos negros y les traseres anaranxaes. L'abdome ye negru y blancu al llateral, con sedes con forma de cola d'una ave. El so güevu ye de forma ovoide, de color ente mariellu y verdosu, y suel eclosionar ente'l séptimu y l'octavu día dempués de la puesta. La canesba ye cilíndrica, de color mariellu y más tarde verde claru. La pupa mide de 30 a 35 mm.[4]

Historia natural editar

Ye una especie migratoria, pero polo xeneral nun sobrevive al iviernu nes rexones fríes. Tien vezos diurnos, raru en caparines esfínxides. Aliméntase de néctar de plantes de xéneros como Viola, Verbena, Primula o Lantana La so trompa, pa libar el néctar, ye casi del mesmu llargor que'l so cuerpu y estiéndese desenrollándose dende la so boca, de forma similar a la del camaleón.[5]

Tres la cópula la fema busca especies del xéneru Galium o otros miembros de la familia Rubiaceae como Rubia y tamién en Carduus, Phlox, Petunia, Aster y Centaurea, onde pon unos 200 güevos.[6] Pasa l'iviernu envernando como adultu, en diversos llugares como resquiebros que suel abandonar en díes templaos de plenu iviernu pa buscar alimentu suplementario.[7]

Referencies editar

  1. (castellán) [1] Macroglossum stellatarum.
  2. (n'inglés) [2] Orugas y Mariposas d'Europa y Norte d'África.
  3. asturnatura.com Macroglossum stellatarum
  4. (n'alemán) [3] Macroglossum stellatarum.
  5. [4] Macroglossum stellatarum - (Danés).
  6. (n'inglés) [5] Macroglossum
  7. (n'inglés) [6] Distribución - Sphingidae Taxonomic Inventory.

Enllaces esternos editar