María Cristina d'Orleans

aristócrata española

María Cristina d'Orleans (en francés Marie Christine d'Orléans; Sevilla, 29 d'ochobre de 1852 - Sevilla, 28 d'abril de 1879) foi una de les fíes d'Antonio d'Orleans, duque de Montpensier (1824-1890), y de Luisa Fernanda de Borbón, infanta d'España (1832-1897).[2] Crióse en Sevilla, y dada la so cercana rellación cola familia real española foi-y otorgáu'l títulu d'infanta d'España.[3]

María Cristina d'Orleans
Vida
Nacimientu Sevilla29 d'ochobre de 1852[1]
Nacionalidá España
Muerte Sevilla28 d'abril de 1879[1] (26 años)
Sepultura Panteón de Infantes
Causa de la muerte tuberculosis
Familia
Padre Antonio de Orleans
Madre Lluisa Fernanda de Borbón
Hermanos/es
Pueblu Casa de Orleans
Estudios
Llingües falaes castellanu
Oficiu aristócrata
Cambiar los datos en Wikidata

Biografía editar

María Cristina nació en Sevilla, ciudá na que se vieron obligaos a morar los sos padres p'asina caltenese alloñaos de #cualquier intriga palaciega na corte d'Isabel II d'España, hermana de la so madre. Yera la tercer fía de los nueve renuevos que tuvieron los Montpensier, anque d'ellos namái trés llegaríen a superar la niñez, aparte de María Cristina: María Isabel, María Amalia, María de les Mercedes y Antonio. Foi bautizada colos nomes María Cristina Francisca de Paula Antonieta, y fueron los sos padrinos el so tíu güelu Francisco de Paula, duque de Cádiz, y güela materna, María Cristina de Borbón-Dos Sicilies, que'l so nome foi-y impuestu.[4]

En 1878 la so hermana María de les Mercedes, que yera ocho años menor que María Cristina, contraxo un brillosu matrimoniu col so primu, el rei Alfonsu XII d'España. La unión, celebrada por amor y non por razones polítiques, ayudaría a sellar la fienda personal esistente ente Isabel II y la so hermana, la duquesa de Montpensier. La felicidá de la pareya, y de la familia entera, viose atayada pocos meses dempués cuando María de les Mercedes finó de tifus.[5]

La muerte de María de les Mercedes sumió a la familia real ye una fonda murnia; Alfonso XII quedó especialmente afaráu al habese quedáu vilbu con tan solo 20 años d'edá, pero yá que escarecía d'herederu, llueu se vio obligáu a buscar una segunda esposa. Mientres unos meses cortexó a María Cristina, que s'amosó dispuesta a reemplazar a la so difunta hermana, pero llueu se fixo evidente que sufría tuberculosis.

María Cristina finó a la edá de 26 años el 28 d'abril de 1879 nel so Sevilla natal. Foi soterrada nel Panteón de los Infantes del Monesteriu de San Lorenzo del Escorial. El so primu, Alfonso XII, casóse finalmente'l 28 de payares d'esi mesmu añu cola archiduquesa María Cristina d'Austria, y tendría con ella tres fíos.

Distinciones honorífiques editar

  •   Dama de la Orde de les Dames Nobles de la Reina María Luisa.

Referencies editar

  1. 1,0 1,1 Afirmao en: The Peerage. Identificador de persona en The Peerage: p8967.htm#i89663. Apaez como: Maria Cristina de Orléans y de Borbón, Infanta de España. Autor: Darryl Lundy. Llingua de la obra o nome: inglés.
  2. Genealogía de la dinastía Orleans: http://genealogy.euweb.cz/capet/capet46.html
  3. Ficha genealógica de la Infanta María Cristina: http://www.geneall.net/H/per_page.php?id=392032
  4. Ficha genealógica de María Cristina d'Orleans: http://roglo.eu/roglo?lang=en;i=2459528
  5. El País, edición del 19 de mayu de 2004: https://www.elpais.com/articulo/espana/Maria/Mercedes/ultima/reina/nacida/Espana/elpepiesp/20040519elpepinac_22/Tes

Enllaces esternos editar