Marcelino Hevia

Marcelino Hevia (25 de xineru de 1973, Samartín del Rei Aurelio) ye un pilotu asturianu de rallyes.

Marcelino Hevia
Vida
Nacimientu	Samartín del Rei Aurelio, 25 de xineru de 1973 (51 años)
Nacionalidá	España
Estudios
Llingües falaes	castellanu
Oficiu	deportista

Biografía

Debuta en 1997 nel Campeonatu d'España de Rallyes d'asfaltu, nel Rally Sierra Morena llogrando esa temporada la victoria nos Ctos. d'Asturies y España Junior y abandonando la competición a final de temporada per falta de presupuestu. Retorna a la competición en 2001 con un FIAT Punto HGT col qu'apuesta solu dos pruebes tres un fuerte accidente nel Rally de Torrelavega que lu caltién estremáu hasta final d'añu cuando remanez con un Mitsubishi Evo V. En 2002 disputa'l Nacional de Monte, llogrando'l títulu na categoría de grupu N que revalidaría en 2004 con un BMW M3 en permaneciendo inactivu en 2003. Tres otru parentesis retorna en 2006 al Nacional y Rexonal Asturianu de Rallyes y 2006 cierra la so meyor temporada, alzándose como Campeón d'Asturies de Rallyes con un Fiat Punto S1600, col que tamién apostó'l nacional de rallyes d'asfaltu, diendo de menos a más a lo llargo de tol añu, destacando'l 4ᵘ puestu llográu nel rallye Pricipe d'Asturies d'esi añu.

Na temporada 2007 participa encuadráu nuna estructura semioficial de FIAT- Rede de Concesionarios nel Campeonatu d'España de Rallyes de 2007 a bordu d'un Fiat Grande Punto S2000. Vence nel Rallye de Aviles, nun acabando en nenguna otra prueba por causa de salíes de carretera o averíes magar llegar a liderar delles d'elles. Esta temporada, qu'a lo postrero sería la de la so retirada, tuvo condicionada por una grave enfermedá que lu llevó a pasar pol quirofano de primeres de la mesma y de nuevu nel mes d'ochobre y que determinó'l so abandonu definitivu de la competición a final d'añu.

Na temporada 2012 vuelve a la competición a los mandos d'un Mitsubishi Evo X Gr.N, apostando la primer carrera na Xubida a Santu Emiliano.

Palmarés

• 1997 - Campeón d'España de Monte "Júnior", Campeón d'Asturies Júnior y vencedor del Desafíu Peugeot-Troféu Autu Nalón (Peugeot 106 Rallye 1.6).
• 2002 - Campeón d'España de Monte Grupu N (Mitsubishi Lancer Evo V).
• 2004 - Campeón d'España de Monte Grupu N (BMW M3 3.2).
• 2006 - Campeón d'Asturies de rallyes (Fiat Punto S1600).
  • 6ᵘ S1600 del Campeonatu d'España de rallyes.
  • 8ᵘ xeneral del Campeonatu d'España de rallyes.
  • 13ᵘ xeneral de la Copa d'Europa de rallyes Suroeste.
• 2007 - Pilotu priváu Fiat (Fiat Grande Punto S2000) nel nacional d'asfaltu.

Enllaces esternos

• Sitiu web oficial

• Datos: Q5995632