Marieḥamn
Marieḥamn[2] (Mariehamn en suecu y Maarianhamina en finlandés) ye la capital de la Provincia Autónoma de les Islles d'Åland (Finlandia). Cuenta con una población de 11 461 hab. (31 avientu 2015)[3], de los que'l 91% son de llingua sueca. La ciudá foi fundada en 1861 y debe'l so nome (traducíu del suecu «Puertu de María») a María, esposa del zar Alexandru II de Rusia. La ciudá ye conocida, sobremanera, como destín de turismu braniegu. Añalmente, unos 1,5 millones de turistes visiten la ciudá y, poro, el sector públicu y los servicios dan trabayu al 60% de los vecinos de la ciudá.
 Marieḥamn | |||||
|---|---|---|---|---|---|
 | |||||
| |||||
| Alministración | |||||
| País |  Finlandia | ||||
| Axencia alministrativa | Departamento de Estado de Åland (es)  | ||||
| Rexones |  Islles Åland | ||||
| Tipu d'entidá | villa | ||||
| Nome oficial | Mariehamn (sv) | ||||
| Nome llocal | Mariehamn (sv) | ||||
| Códigu postal |
22100, 22101 y 22140 | ||||
| Xeografía | |||||
| Coordenaes | 60°05′55″N 19°56′40″E / 60.098611°N 19.944444°E | ||||
  Marieḥamn Marieḥamn (Finlandia)  | |||||
| Superficie | 11.79 km² | ||||
| Altitú | 21 m, 6 m[1] y 20 m | ||||
| Llenda con | Jomala y Lemland | ||||
| Demografía | |||||
| Población | 11 461 hab. (31 avientu 2015) | ||||
| Porcentaxe |
38.02% de Islles Åland 100% de Departamento de Estado de Åland (es) 0.2% de Finlandia | ||||
| Densidá | 972,09 hab/km² | ||||
| Más información | |||||
| Fundación | 1861 | ||||
| Estaya horaria |
UTC+02:00 (horariu estándar) Hora d'Europa Oriental (horariu estándar) UTC+03:00 (horariu de branu) | ||||
| Llocalidaes hermaniaes |
| ||||
| mariehamn.ax | |||||
 | |||||
Historia editar
La ciudá fundóse en 1861, y foi nomada de tal manera n'honor de María Alexandrovna, la emperatriz consorte d'Alexandru II de Rusia. Åland y Marieḥamn tienen una gran tradición y fama de navegación. El veleru «Pommern» que ta fondiáu nel puertu de Marieḥamn, dedicóse a muséu. El famosu navíu holandés «Jan Nieveen» (anguaño llamáu F.P. von Knorring) tamién puede atopase equí.
Economía editar
La navegación y el turismu tienen una gran importancia na economía de la ciudá. Marieḥamn ta bien comunicada colos países que lu arrodien. Les grandes llinies de tresporte marítimu faen escala nel so puertu, tando comunicada con Estocolmu, Kapellskär, Turku, Ḥélsinki y Tallinn. Les grandes empreses de navegación Viking Line, Silja Line y Tallink tienen oficines en Marieḥamn y los sos buques faen escala nel so puertu.
- 1987 – 9966
- 1990 – 10 263
- 1997 – 10 408
- 2000 – 10 488
- 2002 – 10 632
- 2004 – 10 712
- 2013 – 11 446
- 2016 – 11 575
Llugares d'interés editar
- Muséu del veleru Pommern
- Muséu d'Åland
- Parllamentu d'Åland (Lagtinget)
- Castilellu de Kastelholm.
Imáxenes editar
-
Conceyu de Marieḥamn -
Edificiu del Parllamentu d'Åland -
Västerhamn -
Centru de cultura y conferencies -
Llicéu d'Åland -
Ilesia de Xurde de Capadocia -
Muséu Marítimu d'Åland -
Muséu del veleru Pommern -
Embarcaciones de vela -
Puerta de Marieḥamn
.JPG)
Referencies editar
- ↑ Afirmao en: NLS Geographic Names Register. Data de consulta: 4 xineru 2021. NLS Geographic Names Register Place ID: 12002488. Editorial: National Land Survey of Finland.
- ↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
- ↑ Afirmao en: Population structure. ISSN: 1797-5379.
Enllaces esternos editar
Wikimedia Commons acueye conteníu multimedia sobre Marieḥamn.
