03-05-2022 11:44

Marius Mercator o Mariu Mercátor (circa 390 (greg.)África del Norte – 451 (greg.)). Teólogu romanu del s. V, m. dempués del 431. Nun llegó nunca al sacerdociu. Probablemente dende Roma, unvió (418) a san Agustín dos de les sos obres contra los pelaxanos por que-y diera'l so paecer. Nel 429 alcuéntrase en Constantinopla pa dar a conocer al Oriente lo esencial de la herexía pelaxana y a Occidente la herexía de Nestoriu. Equí dedícase a refutar nestorianos y pelaxanos al empar que traduz al llatín bon númberu d'obres y autores, tales como Teodoru de Mopsuestia, Nestoriu y Cirilu d'Alexandría. Como teólogu tien poca orixinalidá; como antipelaxanu depende de san Agustín y como antinestorianu de san Cirilu d'Alexandría.

Mario Mercátor
Vida
Nacimientu África del Nortecirca 390 (greg.)[1]
Nacionalidá Antigua Roma
Muerte 451 (greg.)[1] (60/61 años)
Estudios
Llingües falaes llatín[2]
Oficiu escritor
Movimientu Augustinianism (en) Traducir
Creencies
Relixón Ilesia Católica
Cambiar los datos en Wikidata

Obres escontra los pelaxanos:

  • Marii M. servi Christi commonitorium lectori adversus haeresim Pelagii el Ccelestii vel etiam scripta fuliani; posterior al 430 (PL 48,109-172);
  • Commonitorium super nome Ccelestii (PL 48,63-108) tratáu qu'unvia en griegu a la Ilesia de Constantinopla y en llatín al emperador Teodosiu II;
  • Estractos de 4 sermones de Nestoriu (PL 48,189-205). Pretende poner en claro la postura de Nestoriu respectu del pelaxanismu, yá que nos sos sermones pronúnciense escontra la herexía, pero depués, en realidá favorez a la persona de Celestiu

Les sos obres contra'l nestorianismu son:

  • Refutatio Symboli Mopsuesteni (PL 48, 1041-1050), onde acusa a Teodoru Mopsuesteno de ser padre tantu del nestorianismu como del pelaxanismu;
  • Opúsculos escontra Nestoriu y traducciones tantu d'ésti como de Cirilu d'Alexandría.

Referencies editar

  1. 1,0 1,1 Afirmao en: Documenta Catholica Omnia. Identificador Documenta Catholica Omnia de autor: 30_10_0390-0451-_Marius_Mercator. Apaez como: Marius Mercator.
  2. Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.