Marisa Valle Roso

Marisa Valle Roso
Vida
Nacimientu	La Felguera, 22 d'avientu de 1987 (36 años)
Nacionalidá	España
Familia
Hermanos/es	Fernando Valle Roso
Estudios
Llingües falaes	castellanu; asturianu
Oficiu	cantante de tonada

Marisa Valle Roso (22 d'avientu de 1987, La Felguera) ye una cantante asturiana de tonada, que vien formando pareya col so hermanu, Fernando.

Biografía editar

Marisa entamó nel mundu de la tonada nel añu 2000, de la mano d'una de les voces más importantes del so momentu, Alfredo Canga. Dende entós tien algamao una buena riestra de premios nos meyores concursos de canción asturiana: L'Entregu (2003 y 2006), Xixón (2003 y 2004), Amieva (2004) y La Nueva (2005), en categoría xuvenil, y La Nueva, 2010 y 2011), Avilés (2007), Amieva (2007), L'Entregu (2007 y 2008), Mieres (2008, 2010), La Nueva (2008) y Xixón (2008), en categoría absoluta. Igualmente algamó'l premiu de “Meyor Cantadora del Añu” de 2006, 2007 y 2008, dientro del Memorial Silvino Argüelles. Nel 2008 gana el Premiu de la Crítica RPA nel apartáu de Meyor voz del añu.

Los Hermanos Valle Roso vienen faciendo interpretaciones de tonada dialogada (como lo ficiera'l propiu Alfredo Canga xunto con Diagmina Noval) y de tonada a dos voces. Tienen grabaos dellos discos coleutivos con otros autores. Nel añu 2009 graben el so primer discu en solitario, Un pasu más, nel que dan un toque jazzísticu a la tonada tradicional.

Nel añu 2010 ganó los tres primeros concursos de tonada del añu: Cuenca del Caudal, L'Entregu y Ciudá d'Uviéu. Esti mesmu añu ye la encargada, xunto col so hermanu Fernando Valle Roso de dar el conciertu nel actu académicu del Día de les Lletres Asturianes.

En 2011 alzaríase col trunfu na XIX edición del Concursu y Muestra de Folklore "Ciudá d'Uviéu"", seguida de Lorena Corripio y Laudelina Hortal González.

Igualmente, esti 2011 asoleyó'l so primer discu en solitariu, De lo fondero l'alma, trabayu nel que collaboren el gaiteru Pablo Carrera, Xaime Arias al pianu, Rodrigo Sturm a la guitarra y Estefanía Moro coles percusiones tradicionales^[1] y col que ganaría'l Premiu de la Crítica RPA al Meyor Discu de Canción Asturiana de la RPA^[2]. A la hora de falar d'esti discu y de la inclusión nél d'una composición averada al flamencu, Colombiana, señala la so almiración pol cantante xixonés Orestes Menéndez^[3], indicando qu' «a mi préstame muncho lo que facía y él cantaba tanto flamencu como canciones gallegues o cualquier otra cosa».

Yá nel añu 2012 algamaría'l primer premiu nel Concursu de Tonada Cuenca del Caudal^[4], el de La Nueva^[5] y el de Samartín^[6].

Participa nel añu 2014 nel conciertu d'Víctor Manuel "50 años no es nada", cantando "La Planta 14" con Víctor.

Volvería grabar en solitariu nel 2017 con Consciente, nel que se funde'l folclor con xéneros como'l pop, indie o cantar d'autor^[7].

Discografía en solitariu editar

“De lo fondero l'alma”. Every Good Song, 2011^[8].
"Consciente". MVR. MVR001CD. 2017.

Discografía en collaboración editar

"Asociación Intérpretes Canción Asturiana, A.I.C.A.: vol. IV". Fonográfica Asturiana. CSFA-322. 2002.
“Cantares de mina”. Ámbitu. CD-AM005. 2003.
“Con voz de muyer”. Instituto asturiano de la mujer. Publicaciones Ámbitu. D.L.: AS-0671/04. 2004.
“Campeones XI Concurso de Canción Asturiana”. Fonográfica Asturiana. CSFA-377. 2006.
“Asturianaes”. Fonográfica Asturiana. CD SFA-379. 2006.
“La mina que nun cierra”. Llibru-discu Foro por la Poesía de la Cuenca del Nalón. KRK EDICIONES, 2006.
“Un pasu más”. L'aguañaz. CDÑAZ 157. 2008.
“Campeones XIII Concurso de Canción Asturiana”. Fonográfica Asturiana. CD. SFA-398. 2008.
“Campeones XIV Concurso de Canción Asturiana”. Fonográfica Asturiana. CD. SFA-410. 2009.
"Finalistas del XVI Concurso y Muestra de Folklore Ciudad de Oviedo". Ayuntamiento de Oviedo, Concejalía de Cultura, 2009.
“25 clásiques de l'Asturianada”. L'aguañaz. CDÑAZ 161. 2009.
“Homenaje a Xuacu el de Sama”. Fonográfica Asturiana. CD. SFA-430. 2010
“13 X Mánfer”. L'aguañaz. 2011
"Campeones XVIII Concurso de Canción Asturiana". Fonográfica Asturiana. CD. SFA-449. 2013.
"18". Algamar Producciones. CDALG033. 2013.
"Campeones XIX de Canción Asturiana". Fonográfica Asturiana. CD. SFA-456. 2014.
"50 años no es nada". Sony Music Entertainment España. 888750429223. 2014.
"Concurso y Muestra de Folclor Ciudad de Oviedo: Carlos Jean not e olvidamos [sic]". Fonográfica Asturiana. CDSFA-461. 2014.
"Cuenca del Caudal: 18ª aniversariu". A Mansalva Grupo. GAMCD003. 2015.

Victories en concursos editar

Concursos ganaos por Marisa Valle Roso
Añu	Concursu	Observaciones
2003	L'Entregu	En categoría moza
2003	Xixón	En categoría moza
2004	Xixón	En categoría moza
2004	Amieva	En categoría moza
2005	La Nueva	En categoría moza
2006	L'Entregu	En categoría moza
2007	Avilés
2007	Amieva
2007	L'Entregu
2007	La Nueva
2007	Uviéu
2008	L'Entregu
2008	Mieres
2008	Xixón
2008	Avilés
2008	Uviéu	Renovación de la tonada
2008	La Nueva
2009	Mieres
2009	Mieres	Renovación de la tonada
2009	L'Entregu
2009	Amieva
2009	Amieva	Renovación de la tonada
2009	Uviéu	Renovación de la tonada
2010	Mieres
2010	La Nueva
2010	Uviéu
2011	La Nueva
2012	Cuenca del Caudal
2012	La Nueva
2012	Samartín
2012	Siero
2013	La Nueva^[9]
2014	Cuenca del Caudal^[10]

Referencies editar

↑ "Marisa Valle Roso presenta nuevu discu en La Felguera", Asturnews.com. Consultao'l 1 d'avientu de 2011
↑ D.B.M. RPA entregó en Mieres los Premios de la Crítica 2011. Les Noticies, 11 d'avientu de 2011
↑ Entrevista en Les Noticies, númberu 763, del 25 d'avientu de 2011
↑ [1]. «El concurso Cuenca del Caudal entrega hoy sus premios de tonada» La Nueva España, 10.03.2012
↑ La Voz de Asturias, 16 d'abril de 2012, “La Nueva ya tiene nuevos reyes”
↑ [2] "La gala de campeones cerró el Concurso de Canción Asturiana de San Martín". La Nueva España, 12.06.12]]
↑ Asina indicase nel proyeutu de crowdfunding del disco.
↑ ARGEL, Aurelio: "Tonada por tres". La Nueva Quintana, suplementu de La Nueva España, 27.12.2011
↑ Cueli y Marisa Valle Roso ganan el concurso de canción asturiana en La Nueva, El Comercio, 15.04.2013
↑ Los campeones del concurso "Cuenca del Caudal" reciben hoy sus premios La Nueva España, consultao'l 03.05.2014

Enllaces esternos editar

[1] "Marisa Valle Roso presenta nuevu discu en La Felguera", Asturnews.com. Consultao'l 1 d'avientu de 2011

[2] D.B.M. RPA entregó en Mieres los Premios de la Crítica 2011. Les Noticies, 11 d'avientu de 2011

[3] Entrevista en Les Noticies, númberu 763, del 25 d'avientu de 2011

[4] [1]. «El concurso Cuenca del Caudal entrega hoy sus premios de tonada» La Nueva España, 10.03.2012

[5] La Voz de Asturias, 16 d'abril de 2012, “La Nueva ya tiene nuevos reyes”

[6] [2] "La gala de campeones cerró el Concurso de Canción Asturiana de San Martín". La Nueva España, 12.06.12]]

[:0-7] Asina indicase nel proyeutu de crowdfunding del disco.

[8] ARGEL, Aurelio: "Tonada por tres". La Nueva Quintana, suplementu de La Nueva España, 27.12.2011

[9] Cueli y Marisa Valle Roso ganan el concurso de canción asturiana en La Nueva, El Comercio, 15.04.2013

[10] Los campeones del concurso "Cuenca del Caudal" reciben hoy sus premios La Nueva España, consultao'l 03.05.2014

[1]

[2]

[3]

[4]

[5]

[6]

[7]

[8]

[9]

[10]