Nashira
Nashira (γ Capricorni / γ Cap / 40 Capricorni)[8] ye la cuarta estrella más brillosa na constelación de Capricorniu. La so magnitú aparente ye +3,69.
Nome editar
El nome de Nashira procede del árabe Al Sa'd al Nashirah y significa «portadora de bones noticies» o «l'afortunada». En Babilonia, Nashira señalaba'l 27º asterismu eclíptico, Mahar sha hi-na Shahu, «el del oeste na cola de la cabra».[9]
En China, esta estrella, xunto a Deneb Algedi (δ Capricorni), ε Capricorni, κ Capricorni y otres estrelles d'Acuariu y Piscis, formaba Luy Pei Chen, «el campu atrincherao».[10]
Carauterístiques físiques editar
Asitiada a 139 años lluz del Sistema Solar, Nashira tradicionalmente foi catalogada como estrella blancu-mariella de tipu espectral F0p;[11] dáu'l so estáu inciertu evolutivu, foi considerada una estrella de la secuencia principal. Observaciones más minucioses, sicasí, suxuren que ye una estrella de tipu A7.[8][12] La so lluminosidá, 47 vegaes mayor que la lluminosidá solar, y la so masa, equivalente a 2,5 mases solares, suxuren que ta abandonando la secuencia principal pa convertise nuna estrella xigante.[12]
Nashira tamién foi clasificada como una estrella Am, un tipu d'estrelles que'l so espectru presenta llinia d'absorción fuertes de dalgunos metales. La so velocidá de rotación nel ecuador ye de namái 30 km/s, inferior a la d'otres estrelles de tipu A, lo que puede favorecer la separación de distintos elementos químicos na so atmósfera.[12] Frente a dellos elementos como carbonu, oxíxenu, magnesiu o azufre que la so bayura relativa ye comparable a la solar, otros presenten bayures que claramente difieren de los valores solares. Circoniu, estronciu y itriu —esti postreru 200 vegaes más abondosa que nel Sol— amuesen valores bien percima de les solares; nel otru estremu, calciu y escandiu son deficitarios al respective de la nuesa estrella.[13]
Coles mesmes, Nashira ta considerada una estrella variable Alfa2 Canum Venaticorum con pequeñes variaciones nel so rellumu de 0,03 magnitúes.
Referencies editar
- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Ca II HK emission in rapidly rotating stars» (n'inglés). Astronomy and Astrophysics (3): páxs. 1099–1107. xineru 2009. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «Automated spectroscopic abundances of A and F-type stars using echelle spectrographs II. Abundances of 140 A-F stars from ELODIE and CORALIE» (n'inglés). Astronomy and Astrophysics: páxs. 1121–1135. 2003. doi:.
- ↑ «The Relation between Rotational Velocities and Spectral Peculiarities among A-Type Stars». The Astrophysical Journal Supplement Series: páxs. 135–172. xunetu 1995. doi:.
- ↑ 8,0 8,1 Nashira (SIMBAD)
- ↑ Nashira (The Fixed Stars)
- ↑ Allen, Richard Hinckley (1889). «Capricorniu», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 12 de xineru de 2011.
- ↑ Nashira (The Bright Star Catalogue)
- ↑ 12,0 12,1 12,2 Nashira (Stars, Jim Kaler)
- ↑ Erspamer, D.; North, P. (2003). «Automated spectroscopic abundances of A and F-type stars using echelle spectrographs. II. Abundances of 140 A-F stars from ELODIE». Astronomy and Astrophysics 398. páxs. 1121-1135 (Tabla consultada en CDS). http://cdsads.u-strasbg.fr/cgi-bin/nph-bib_query?2003A%26A...398.1121Y&db_key=AST&nosetcookie=1.
Coordenaes: 
21h 40m 5.445s, -16° 39′ 44.536″
Datos: Q1571085
