Neutrín muónico
El neutrín muónico ye una partícula elemental que pertenez al grupu de los leptones. Tien espín ½, y una masa bien pequeña, pero non nula.
Como tien una masa tan pequeño, siempres se mueve a una velocidá cercana a la velocidá de la lluz, por eso los científicos pensaben que'l neutrín escarecía de masa, y yera por tantu un luxón. Más palantre afayaríase'l fenómenu de la oscilación de neutrinos, que consiste básicamente en que los neutrinos camuden constantemente de sabor. De resultes de la oscilación, los neutrinos deben de tener una masa non nulo.
Nun tien carga llétrica, y como namái interacciona al traviés de la interacción débil (la interacción gravitatoria nel mundu de les partícules ye ínfima), ye una partícula bien difícil de detectar, y amás (por cuenta de la oscilación) ye práuticamente indistinguible de los otros dos neutrinos del modelu estándar.
En setiembre de 2011, l'esperimentu OPERA del CERN llogró atención internacional cuando s'anunció la posible detección de muones neutrinos viaxando a una velocidá cimera a la velocidá de la lluz.[1] Darréu afayóse que l'anomalía fuera causada por problemes col equipamientu.
Ver tamién editar
Referencies editar
- ↑ (inglés) Resultaos inesperaes del esperimentu, 22 de setiembre de 2011.
