Oficina Europea de Llingües Minoritaries

La Oficina Europea de Llingües Minoritaries ye una organización ensin fines d'arriquecimientu creada nel añu 1982 por iniciativa del Parllamentu Européu col fin de promocionar la diversidá llingüística tanto a nivel européu como internacional. Les sos principales fontes de financiamiento son el Parllamentu Européu y la Comisión Europea, amás de gobiernos rexonales y locales. Dende'l so establecimientu, la Oficina enfocóse en reforzar los contactos y desenvolver la cooperación ente aquelles comunidaes falantes de llingües minoritaries, col enfotu de promover la diversidá llingüística n'Europa. La so misión ye ser la voz representativa de los más de 46 millones[1] d'europeos que falen dalguna llingua minoritaria. La Oficina tien sedes en Bruxeles y Dublín.

Actividaes editar

Ente les sos principales actividaes figuren les siguientes:

  • Al traviés de la so rede de Comités de los Estaos miembros, la Oficina representa a les comunidaes de llingües rexonales y minoritaries de la Xunión Europea, promoviendo los sos intereses comunes a nivel européu ya internacional y actúa como canal de comunicación ente elles y los organismos europeos ya internacionales
  • Apurrir asesoría ya información sobre llingües rexonales y minoritaries y diversidá llingüística a los responsables políticos, a los medios de comunicación, a la comunidá académica y al públicu polo xeneral. Cuenta con un serviciu de noticies sobre llingües minoritaries y un centru de documentación na so oficina de Bruxeles.
  • Sofitar les iniciatives de les comunidaes con falantes de llingües rexonales y minoritaries facilitándo-yos asesoramientu, información y servicios en llinia, facilitando'l so accesu al llogru de financiamientu con fondos europeos.
  • Coordinar diverses iniciatives referentes a les llingües rexonal y minoritariu, como programes de visites d'estudiu y d'intercambios escolares y académicos.

Ver tamién editar

Referencies editar

Enllaces esternos editar