El Palaciu de Ron, anguaño palaciu de Monteserín, llevantáu pola familia de Ron, qu'algamó gran poder y sonadía nel ocidente d'Asturies, ye un gran edificiu formáu por cuatro ales en torno a un patiu central, asitiáu nel centro del pueblu de Pezós. Una de les fachaes flanquéase por torres cuadraes (la trasera).

Palaciu de Ron
palaciu
Llocalización
País España
Autonomía Principáu d'Asturies
Provincia provincia d'Asturies
Conceyu Pezós
Coordenaes 43°16′12″N 6°54′54″W / 43.26991204°N 6.91487714°O / 43.26991204; -6.91487714
Palaciu de Ron alcuéntrase n'Asturies
Palaciu de Ron
Palaciu de Ron
Palaciu de Ron (Asturies)
Patrimoniu
Cambiar los datos en Wikidata

Carauterístiques editar

El patiu ta arrodiáu de columnes toscanes, que sofiten un corredor de madera acristaláu, al que s'abren les habitaciones. La capiella ye esterna, con una pequeña espadaña. Dientro de la casa hai una talla de la Virxe de la Llárima del sieglu XII.

Na finca del palaciu afállase una torre cuadrada medieval (Torre de Pezós, sieglu XII), que tenía una finalidá defensiva de 9 m. de altura y 1,60 m de grosor.

El palaciu ta rematáu por un escudu adornáu por una peineta.

A pocos Km de Pezós ta'l pueblu de Ron, nel conceyu de Samartín d'Ozcos.

Historia editar

El palaciu ye una casona solariega propia de los sieglos XVII y XVIII que foi d'Álvaro Díaz, gobernador d'Asturies baxo'l reináu de Fernandu VII. En 1909 fízose una reforma, llegando a alterase la fachada orixinal. Momentu al que corresponde la fachada principal, encadarmada en dos pisos separtaos por imposta, con ventanes nel baxu y balcones volaos, con antepechu de rexería, nel pisu superior. La puerta, nel centro, ye d'arcu escarzanu.


Referencies editar

Enllaces esternos editar