Palaciu del Valletu
El palaciu de los Vázquez Prada o palaciu del Valletu ye un palaciu rural de Cuna (Mieres, Asturies). Ye la casa solar de los Vázquez de Prada dende la so construcción, permaneciendo na familia hasta l'actualidá. Ye un de los meyores esponentes de l'arquiteutura palacial barroca del conceyu.
| Palaciu del Valletu | |
|---|---|
| Bien d'Interés Cultural | |
| palaciu y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Mieres |
| Coordenaes | 43°13′21″N 5°47′45″W / 43.2226°N 5.7957°O |
  Palaciu del Valletu Palaciu del Valletu (Asturies) | |
| Patrimoniu | |
| BIC | RI-51-0009098[1] |
 | |
El palaciu del Valletu ta compuestu por un conxuntu d'edificios: l'edificiu propiu del palaciu, el llagar, cortes, palombar, panera, casa de los caseros, fonte de piedra llabrada....
La fachada principal, de gran orixinalidá, ta abierta nel so pisu inferior por trés amplios arcos de carpanel sofitaos en grueses pilastres. Na planta cimera tien 5 balcones, tando los 3 centrales sobre los arcos carpaneles de la planta baxa. L'aleru central tien forma de frontón p'agospiar l'escudu qu'actúa de remate. Les fachaes sur y trasera tienen una gran galería acristalada. La fachada norte tien un pórticu de madera sobre pies de madera. La cubierta ta rematada con 3 pináculos de piedra sobre les cumbreres.
La construcción principal ye la casona del sieglu XVI, de planta que s'avera al rectángulu y con dos pisos. Na parte d'atrás, la casa adáutase a les irregularidaes del terrén.
Referencies editar
- ↑ «base de datos de monumentos de Wiki Loves Monuments» (13 payares 2017).
Enllaces esternos editar
Wikimedia Commons acueye conteníu multimedia sobre Palaciu del Valletu 
.
Datos: Q6058649- Multimedia: Palacio del Valletu
