Papilionoidea

superfamilia d'inseutos

Los papilionoideos (Papilionoidea) son una superfamilia monofilética de lepidópteros ditrisios qu'inclúi toles families de caparines diurnes.[2] La so circunscripción actual coincide cola delimitación tradicional del cladi Rhopalocera, y suxure que les superfamilies Hesperioidea y Hedyloidea nun son válides.

Papilionoidea
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Suborde: Glossata
Infraorde: Heteroneura
Seición: Ditrysia[1]
Superfamilia: Papilionoidea
Latreille, 1802
Families[2]
Consultes
[editar datos en Wikidata]

Nomenclatura editar

Mientres munchos años, los ropalóceros tuvieron el rangu taxonómicu de suborde nel que s'incluyíen les caparines diurnes, en contraposición del suborde Heterocera, o caparines nocherniegues (poliyes, falenas y otres, o "moths" pa los anglófonos). Esta antigua división de los lepidópteros en dos subordes quedó superada pola cladística moderna que demostró que se trataba d'una clasificación artificial y, na actualidá, los lepidópteros subdivídense nos subordes Aglossata, Glossata, Heterobathmiina y Zeugloptera. El términu ropalóceru ye frecuentemente utilizáu, pero desaveniente según les regles de nomenclatura y la conocencia actual sobre'l grupu. Demostróse que'l cladu conformáu poles seis families de caparines diurnes formen un grupu monofiléticu xunto cola familia Hedylidae, a esti grupu asignóse-y el rangu de superfamilia y el nome correutu ye Papilionoidea.[2][1]

La carauterística que s'usaba pa dixebrar a los ropalóceros de los heteróceros yera la forma de les antenes; na mayoría de los ropalóceros les antenes son llargues, delgaes y acaben un engrosamiento o maza, ente que nos heteróceros, les antenes tienen formes bien diverses y variaes según les families.

Families de Papilionoidea editar

Según la clasificación tradicional, Papilionoidea incluyía cinco families:[3][4]

Pero la circunscripción actual, amiesta a les families Hesperiidae y Hedylidae, enantes consideraes como superfamilies independientes (Hesperioidea y Hedyloidea respeutivamente).[5]

Evolución y Bioxeografía editar

Los analises filoxenéticos recién suxuren que toles siete families formen un cladu monofiléticu, colos Papilionidae como grupu hermanu del restu de les families:[2][6]

 


Otros Lepidópteros


Superfamilia Papilionoidea


Papilionidae  





Hedylidae  



Hesperiidae  





Pieridae  



Nymphalidae  




Lycaenidae  



Riodinidae  







Seis de los siete families de Papilionoidea tán distribuyíes per tol mundu. Hedylidae ye la única familia acutada a la rexón neotropical, y siquier trés de les otres families (Nymphalidae, Hesperiidae y Riodinidae) tienen mayor riqueza nesta rexón. Lycaenidae tien una mayor riqueza na rexón afrotropical, ente que Papilionidae y Pieridae son más riques na rexón oriental.[7]

Interacciones bióticas editar

Les canesbes de les caparines de la superfamilia Papilionoidea reportáronse comiendo en más de 6000 especies de plantes de siquier de 2200 xéneros y 212 families, incluyendo 204 families de plantes anxospermes.[7] Solamente 260 especies fueron reportaes en plantes non anxospermes o utilizando recursos alternativos. Dientro de les anxospermes, toes los siete families, y siquier 36 de les 41 subfamilies de papilionoidea fueron reportaes comiendo nel grupu d'ordes de les rósidas (fábidas y málvidas según el APG III), dientro d'esti grupu la familia Fabaceae ye la que se reportó más frecuentemente. La familia Poaceae, dientro de les plantes monocotiledónees, ye la segunda familia más frecuentemente reportada como planta güéspede pa les caparines de tres subfamilies de Hesperiidae y la subfamilia Satyrinae, incluyida n´Nymphalidae. [8][9]

 
Caparina de la subfamilia Charaxinae.

Referencies editar

  1. 1,0 1,1 Tree of Life - Ditrysia
  2. 2,0 2,1 2,2 2,3 Heikkilä, M. and Kaila, L. and Mutanen, M. and Peña, C. and Wahlberg, N. (2012) Cretaceous origin and repeated tertiary diversification of the redefined butterflies, Proceedings of the Royal Society B: Biological Sciences 279(1731):1093-1099, doi:10.1098/rspb.2011.1430
  3. Kristensen NP, Scoble MJ, Karsholt O (2007) Lepidoptera phylogeny and systematics: The state of inventorying moth and butterfly diversity, Zootaxa 1668: 699–747.
  4. Lamas, G. (2008) Systematics of butterflies (Lepidoptera: Hesperioidea and Papilionoidea) in the world: current state and future perspectives.
  5. Van Nieukerken EJ, Kaila L, Kitching IJ, Kristensen NP, Lees DC, et al. (2011) Order Lepidoptera Linnaeus, 1758.
  6. Regier JC, Mitter C, Zwick A, Bazinet AL, Cummings MP, et al. (2013) A Large-Scale, Higher-Level, Molecular Phylogenetic Study of the Insect Order Lepidoptera (Moths and Butterflies).
  7. 7,0 7,1 Ferrer-Paris JR, Sánchez-Mercado A, Viloria ÁL, Donaldson J (2013) Congruence and Diversity of Butterfly-Host Plant Associations at Higher Taxonomic Levels.
  8. Warren, Andrew D. And Ogawa, Joshua R. And Brower, Andrew V. Z. (2009) Revised classification of the family Hesperiidae (Lepidoptera: Hesperioidea) based on combined molecular and morphological data, Systematic Entomology 34(3):467-523
  9. Peña, C. y N. Wahlberg (2008) Prehistorical climate change increased diversification of a group of butterflies, Biology Letters 4(3):274-278

Enllaces esternos editar