Parafina ye'l nome común d'un grupu d'hidrocarburos alcanos de fórmula xeneral CnH2n+2, onde n ye'l númberu d'átomos de carbonu. La molécula más simple de parafina ye'l metanu, CH4, un gas a temperatura ambiente; sicasí, los miembros más pesaos de la serie, como les formes sólides de parafina, llamaes cera de parafina, provienen de les molécules más pesaes C20 a C40. La parafina, identificada per primer vegada por Carl Reichenbach en 1830, ye un deriváu del petroleu.[1]

Cera de parafina.

Parafina, o hidrocarbono de parafina, ye'l nome téunicu de los alcanos polo xeneral, anque na mayoría de los casos refierse específicamente a un alcano llinial o alcano normal —si tien ramificaciones, los isoalcanos tamién son llamaos isoparafinas.

El nome deriva del llatín parum (= apenes) + affinis equí utilizáu col significáu de "falta d'afinidá", o "falta de reactividá".

Fabricación editar

Xeneralmente llógrase del petroleu, de los esquistos bituminosos o del carbón.

El procesu empieza con una destilación a temperatura elevao, pa llograr aceites pesaos, de los que por  enfriamientu a 0 °C, cristaliza la parafina, que ye dixebrada por aciu filtración o centrifugación.

El productu se purifica por aciu recristalizaciones, llavadures acedes y alcalines y decoloración.[2]

Les refineríes de petroleu de normal producen parafina. Tamién puede llograse por aciu el craqueo térmicu del petroleu, onde se ruempen cadenes de carbonos y  añader calor 400-650 °C.

Cera editar

La cera de parafina atópase polo xeneral como un sólidu ceroso, blancu, ensin golor nin sabor, con un puntu de fusión típicu ente 47 °C y 64 °C. Ye insoluble n'agua, anque si ye soluble n'éter, bencenu, y dellos ésteres. La parafina nun ye afeutada polos reactivos químicos más comunes, pero quémase fácilmente.

La cera pura de parafina ye un bien bon aislante llétricu, el so resistividad llétrica toma valores nel rangu y ohm metro.  [3] Esto ye meyor que la resistividad de la mayoría de los otros materiales sacante dellos plásticos (por casu el teflón). Ye un moderador de neutrones bien efectivu y foi utilizáu por James Chadwick nos esperimentos que realizó en 1932 pa identificar al neutrón.[4][5]

La cera de parafina (C25H52) ye un material escelente p'almacenar calor, que tien una capacidá calorífica de 2,14-2,9 J g–1 K–1 y un calor de fusión de 200-220 J/g.[6] Esta carauterística ye aprovechada nel cambéu de plaques de material de construcción, como les de cartón yelsu; la parafina ye balerada o inyectada na placa, onde se derrite mientres el día, absorbiendo calor, y se solidifica dempués, mientres la nueche, lliberando calor.

La cera espándese considerablemente cuando se derrite, y ello utilízase na fabricación de termostatos pa usu industrial o domésticu y especialmente n'automóviles. Tamién s'utiliza a nivel de llaboratorios, una función que tien específicamente, ye nel procesu de destilación, onde ésti s'utiliza pa evitar que forme espluma nel balón de destilación.[7]

Pa preparar los moldes pa fundir pieces de metal y otros materiales, úsense "cubiertes de cera pa fundición", nes cualos la parafina combinase con otros materiales pa llograr les propiedaes deseyaes. Polo xeneral nun s'utiliza pa faer los moldes o modelos orixinales pa fundición, pos ye relativamente fráxil a temperatura ambiente y nun puede ser tallada en fríu ensin que se produzan quebres. Les ceres nidies, flexibles tales como la cera d'abeyes son preferíes pa estos propósitos.

N'aplicaciones industriales, ye práutica común modificar les carauterístiques cristalines de la cera de parafina, lo cual consíguese amestando delles cadenes llaterales a la cadena de carbón de la parafina. El cambéu realízase xeneralmente con aditivos, tales como goma EVA, cera microcristalina, o formes de polietileno. Asina resulta una parafina modificada, con una alta mafa, una menor estructura cristalina y propiedaes funcionales distintes.

La parafina tien delles otres aplicaciones. Utilizase pa fabricar papel parafinado pa empacar alimentos y otros productos; pa fabricar papel carbón; pa impermiabilizar tapes de corchu o plásticu, maderes, municiones; como aislante en conductores llétricos; pa fabricar llapiceros grasosos, buxíes y múltiples artículos.

Líquida editar

La parafina líquida ye un amiestu de alcanos más pesaos; tien diversos nomes y presentaciones, incluyendo nujol, aceite de adepsina, albolin, glimol, parafina melecinal, saxol, o aceite mineral de USP.

Utilízase de cutiu na espectroscopia infrarroxa, pos tien un espectru DIR relativamente senciellu, con poques bandes bien conocíes. Una pequeña cantidá de la muestra sólida que s'investiga, molese con delles gotes de parafina líquida y la pasta llograda estiéndese sobre un discu d'un material tresparente al DIR, que depués s'asitia nel espectrómetru de DIR. Nel espectru llográu se descuentan les bandes propies de la parafina.

La parafina líquida melecinal utilizase p'ayudar al movimientu d'intestín nes persones que sufren l'estriñimientu crónicu; pasa al traviés del tubu dixestivu ensin ser asimilada pol cuerpu, pero llinda la cantidá d'agua escretada.

Na industria alimentaria, onde pue ser llamada "cera", ye utilizada como llubricante n'amiestos mecánicos, aplicáu a los moldes d'enfornar p'asegurase de que los panes o tortas sían fácilmente extraíbles de los moldes una vegada completada la cocción. Tamién s'aplica como una capa sobre la fruta o otros artículos que riquen un aspeutu brillosu" pa la venta.[8]

Referencies editar

  1. Britannica 1911
  2. Gran Enciclopedia del Mundo: 14-783.
  3. «Electrical insulating materials». Kaye and Laby Tables of Physical and Chemical Constants. National Physical Laboratory (1995). Consultáu'l 23 d'abril de 2007.
  4. «Attenuation of fast neutrons: neutron moderation and diffusion». Kaye and Laby Tables of Physical and Chemical Constants. National Physical Laboratory (1995). Consultáu'l 23 d'abril de 2007.
  5. Rhodes, Richard (1986). The Making of the Atomic Bomb. Nueva York: Simon and Schuster. ISBN 0-671-44133-7.
  6. «Specific Heat Capacity». Diracdelta.co.uk Science and Engineering Encyclopedia. Dirac Delta Consultants Ltd, Warwick, England. Consultáu'l 18 d'agostu de 2007.
  7. «Wax-pellet thermostat.
  8. «Mineral Oil (Food Grade)». WHO Food Additives Series 10. Food and Agriculture Organization of the United Nations; World Health Organization (1976). Consultáu'l 21 d'agostu de 2007.