Península del Labrador

La península del Labrador (inglés: Labrador Peninsula ); francés: Péninsule du Labrador, asina llamada n'honor al so descubridor portugués João Fernandes Lavrador en 1498, ye una gran península del nordés del Canadá, ente l'Atlánticu al este y la badea de Hudson al oeste; al norte tien l'estrechu de Hudson que la dixebra de la Tierra de Baffin, al este'l mar del Labrador y al suroeste atopa'l golfu de San Llorienzo.

Península del Labrador
Alministración
PaísBandera de Canadá Canadá
Provincia[[Terranova y Labrador|{{{2}}}
Tipu d'entidá península
Nome llocal Labrador Peninsula (en)
Xeografía
Coordenaes 55°N 69°W / 55°N 69°O / 55; -69
Superficie 1400000 km²
Demografía
Cambiar los datos en Wikidata

Xeolóxicamente, la península del Labrador pertenez al Escudu Canadiense. Los montes Torngat, que la traviesen de norte a sur, constitúin l'escayu dorsal. Les sos mariñes son bien accidentaes con gran cantidá de badees, ensanaes, ríes y fiordos baxos formaos pola erosión glaciar y los movimientos del inlandsis que cubrió'l territoriu mientres les glaciaciones, les mesmes glaciaciones (como na mayor parte del Canadá) dexaron coles mesmes numberosos llagos. Ente los llagos d'esta zona de Canadá, cabo mentar los de Clearwater y el Minto. Ente les badees destaca badea Ungava, nel norte de la gran península, ente que puede considerase un fiordu bien estendíu'l valle nel que s'alcuentren badea Groswater y llagu Melville, na mariña occidental. El so clima ye desaxeradamente continental nel sur, escontra'l norte ye sub-árticu; la mariña este recibe la influencia de la corriente fría del Labrador lo que práuticamente anula los efeutos moderadores del océanu.

Dellos son los ríos que percuerren esta península: Churchill, Eastmain, George, Koksoak y Leaf.

La península del Labrador tien una importante subpenínsula na so parte noroccidental, la península d'Ungava, delimitada pola badea Hudson, l'estrechu de Hudson y la badea Ungava.

Alministrativamente, entiende partes de les provincies de Terranova y Labrador (rexón del Labrador, o "Mariña del Labrador") y Quebec (rexones de Saguenay-Lac-Saint-Jean, Côte-Nord y Nord-du-Québec).

Referencies editar

Ver tamién editar