Política de Suecia
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Suecia ye una monarquía constitucional con una forma parllamentaria de gobiernu. El Rei, Carlos XVI Gustavo, desempeña namái funciones protocolaries como Xefe del Estáu. El Parllamentu ye unicameral, siendo escoyíos los parllamentarios direutamente por representación proporcional pa llexislatures de cuatro años.
En Suecia rixe'l sufraxu universal dende los 18 años d'edá. La participación eleutoral foi del 81,4% nes eleiciones de 1998.
El Partíu Socialdemócrata (SAP) caltúvose nel poder, unes vegaes solo y otres en coaliciones, mientres los periodos de 1932-1976 y 1982-1991, y tamién dende 1994, ente que los partíos non socialistes exercieron el poder central de 1976-1982 y 1991-1994. Dempués de les eleiciones de 1998, el SAP formó un gobiernu de minoría ocupando 131 de los 349 escaños del Parllamentu. En 2006 ganó la coalición de centroderecha, que revalidó'l so mandatu en 2010.
Constitución editar
La Constitución Sueca consiste en cuatro ley fundamentales. La más importante ye'l Preséu de Gobiernu de 1974, qu'establez los principios básicos de la vida política sueca, definiendo derechos y llibertaes. La Llei de Socesión ye un tratáu ente'l vieyu Riksdag de los Estaos y la Casa de Bernadotte, regulando'l so accesu a la corona real sueca.
La Llei de Llibertá de Prensa de 1766 , establez y define los derechos de llibertá d'espresión y tamién l'accesu llibre los ciudadanos a información en manes de cualquier institución pública. Foi reformada delles vegaes y trátase de forma más estensa na Llei Fundamental sobre la Llibertá d'Espresión.
Los cuatro lleis fundamentales son:
- Preséu de Gobiernu (1974)
- Llei de Socesión (1809)
- Llei de Llibertá de Prensa (1766)
- Llei Fundamental sobre la Llibertá d'Espresión (1991)
Ministerios editar
La xera de los 10 ministerios consiste principalmente en proponer nueves lleis. L'aplicación de les lleis ta al cargu de unes 100 dependencies alministratives centrales y de les 21 alministraciones provinciales. Cada provincia tien una diputación escoyida, facultada pa recaldar una contribución sobre los ingresos y responsable principalmente de los servicios de sanidá na so xurisdicción.
Eleiciones editar
Legislatura 2014-2018 editar
Les eleiciones n'ochobre 2014, qu'escoyíen parllamentarios pal periodu 2014-2018, dieron los siguientes resultaos:
- Partíu Socialdemócrata (SAP): 113 escaños
- Partíu Moderáu (M): 84 escaños
- Demócrates de Suecia (SD): 49 escaños
- Partíu Verde (MP): 25 escaños
- Partíu del Centru (C): 22 escaños
- Partíu de la Izquierda (V): 21 escaños
- Partíu Popular Lliberal (FP): 19 escaños
- Demócrates Cristianos (KD): 16 escaños
El total de los partíos de gobiernu (SAP+V+MP) son 159 escaños. El total de los partíos d'oposición (M+C+FP+KD) son 141 escaños.
Nes eleiciones al Parllamentu Européu, dellos partíos que nun superaron l'estragal Riksdag consiguieron llograr representación: Llista de Xunu (2004-2009), el Partíu Pirata (2009-2014), y la Iniciativa Feminista (2014-presente).
Conceyos editar
Anguaño Suecia ta estremada en 289 conceyos qu'entienden tol territoriu, incluyíes les árees rurales, y cada unu d'ellos tien un conceyu escoyíu por votu popular que cobra un tributu sobre la renta y alministra servicios públicos como la educación escolar, l'atención a los párvulos y a los vieyos, les empreses de servicios básicos de distribución, vivienda y actividaes culturales y de recreación. Los estranxeros que moraren trés años en Suecia tienen derechu de votar y son elegibles nes eleiciones llocales.
Defensor del Pueblu editar
El Defensores del Pueblu (Ombudsman) parllamentarios investiguen barruntos d'abusu d'autoridá polos funcionarios públicos. Otru defensores del pueblu cumplen la misión de defender los derechos del consumidor, de torgar la discriminación por motivos de pertenencia étnica o de sexu o por motivos d'orientación sexual, velar por que reparar la ética periodística, protexer los derechos del neñu y del adolescente y los de les persones afeutaes de discapacidá. La mayor parte de los documentos del gobiernu son accesibles al públicu y a los medios periodísticos en tou momentu.
Política esterior editar
Les prioridaes de la política esterior sueca al 2007 tomen los siguientes puntos:
- Establecer la cooperación colos siguientes organismos: ONX, OTAN y XE.
- Promover el desarme nuclear nel mundu formando parte de la llamada Nueva Axenda” conformada por: Brasil, Exiptu, Irlanda, Nueva Zelanda, Méxicu y Sudáfrica.
- Cooperar pal establecimientu de la paz nos conflictos de: Mediu Oriente, Darfur, Kosovo y el Congo.
- Cooperar pa la reconstrucción d'Afganistán (Formando parte de la Fuercia Internacional d'Asistencia pa la Seguridá; ISAF).
- Otorgar una alta prioridá pal respetu y aplicación de los derechos humanos nel mundu.
- Fortalecer la cooperación económica-comercial, educativa, téunica y científica con América Llatina.
- Fortalecer la cooperación diplomática-comercial con África y Asia.
- Fortalecer les sos rellaciones con EUA y Canadá.
Ver tamién editar
Referencies editar
Enllaces esternos editar
Datos: Q875894
Multimedia: Politics of Sweden
