Wikipedia

Proyde

PROYDE (Promoción y Desarrollo) ye una asociación y organización non gubernamental de cooperación al desenvolvimientu española, fundada en 1988 y averá a les obres educatives de los Hermanos de les Escueles Cristianes (La Salle).

Proyde
organización ensin ánimu de llucru
Llocalización
Sede Madrid
Direición España
Forma xurídica asociación de utilidad pública (es) Traducir
Historia
Fundación12 abril 1988
Datos económicos
Emplegaos 9 (2020)
Ingresos totales 1 700 467 € (2020)
Varios
Premios
Web oficial
Cambiar los datos en Wikidata

PROYDE actúa nel campu de la Cooperación Internacional al Desenvolvimientu nos cinco continentes, especialmente nel ámbitu del derechu a la educación. En situaciones d'emerxencia suel allegar na fase de reconstrucción y rehabilitación. Tamién actúa, na so redolada próxima, al traviés de la Educación pal Desenvolvimientu, el Comerciu Xustu, la Incidencia social y política, el voluntariáu, etc.

L'Asociación PROYDE editar

L'Asociación PROYDE foi fundada'l 12 d'abril de 1988 y según consta nos sos estatutos[1], el fin de l'Asociación PROYDE ye la promoción y el desenvolvimientu de les persones nos países aprobetaos, por aciu la realización de Programes y Proyeutos de Desenvolvimientu[2], fundamentalmente nel ámbitu educativu.
PROYDE foi reconocida como Asociación Ensin Fines Llucrativos per parte del Ministeriu del Interior el 20 de xunetu de 1988[3]. Dende'l 20 de xunetu de 1989, pertenez a la Coordinadora de ONGD d'España (CONGDE)[4]. El 22 de mayu de 1998 foi declarada Asociación d'Utilidá Pública pol Ministeriu del Interior[5]. El 20 d'avientu de 1999 foi inscrita como una ONG de Desenvolvimientu na Axencia Española de Cooperación Internacional pal Desenvolvimientu (AECID)[6]. El 20 de mayu de 2000 la Xunta Directiva decide empezar la promoción del Comerciu Xustu dende la Sede Social y nes Delegaciones Locales de l'Asociación y el 31 de marzu de 2008 intégrase na Coordinadora Estatal de Comerciu Xustu (CECJ)[7] de la que forma parte dende la so constitución.

Misión y Valores editar

La Misión de PROYDE[8] ye contribuyir, con trabayu y testimoniu, a la construcción d'un mundu nel que toles persones vivan dignamente. Pa facelo posible, l'Asociación establez calces de participación activa pa vivir una solidaridá auténtica y comprometida na construcción d'un mundu más xustu.
Pola so vinculación a los Hermanos de les Escueles Cristianes (La Salle), PROYDE proponse a tolos miembros de la familia lasaliana —y al traviés d'ellos a tola sociedá— como calce privilexáu pa la solidaridá tantu na redolada próxima como nos países aprobetaos. La fraternidá, el derechu a la educación y la conversión personal, tán na base d'esta vinculación.
Tola actividá de l'Asociación ta regulada por cinco Valores[9] que ponen-y marcu a la filosofía institucional y que son patrimoniu común a les muyeres y homes que formen parte activa de l'Asociación. Esti patrimoniu común, aniciáu'nla fraternidá, entendida como un compartir n'igualdá col otru yá que, sía quien sía, ye hermanu: —La dignidá de toles persones; —La capacidá de toles persones y comunidaes; —Los valores de toles persones; —El compromisu col derechu a la educación; —Comprometíos nel fomentu y la participación en redes solidaries.

Actividaes editar

Ente les actividaes realizaes por PROYDE destaquen:

  • Programes y Proyeutos de Desenvolvimientu nos países aprobetaos, especialmente nel ámbitu del derechu a la educación[10].
  • Acciones en situaciones d'emerxencia, principalmente na fase de reconstrucción y rehabilitación[11].
  • El tresformamientu de les estructures sociales, polítiques y económiques que tán nel orixe de la desigualdá, la inxusticia y l'esclusión. Tamién pol cambéu de los antivalores que contribúin a caltener estes estructures. Facer por aciu la Educación pal Desenvolvimientu y Sensibilización[12], les campañes d'Incidencia política[13], la promoción del Voluntariáu[14] y el compromisu col Comerciu Xustu y el Consumu responsable[15].

Trabayu'n rede editar

A nivel nacional editar

PROYDE pertenez a delles redes d'organizaciones de sofitu al desenvolvimientu y de Comerciu Xustu, como la Coordinadora de ONG de Desenvolvimientu d'España (CONGDE) y nueve Coordinadores Autonómiques[16], la Rede d'Entidaes de Desenvolvimientu Solidariu (REDES)[17] y a la Coordinadora Estatal de Comerciu Xustu (CECJ)[18]. Tamién ye Axente Collaborador de Ciudá pol Comerciu Xustu[19] y coordina, con IDEAS, el Proyeutu Centros Educativos pol Comerciu Xustu.[20][21][22] PROYDE forma parte de la Coordinadora Lasaliana de ONGD[23].

A nivel internacional editar

Nel nivel internacional, PROYDE trabaya en rede cola Coordinadora de ONG Lasalianes de Desenvolvimientu d'Europa - Mediterraneu[24] y en Plataformes de sofitu a Proyeutos Internacionales[25], sobromanera na Plataforma de Sofitu al Proyeutu Fratelli (coles ONGD Lasalianes y Sed) que trabaya con persones refuxaes Siries ya Iraquines n'El Líbanu y la Plataforma de Sofitu a Solidarity with South Sudan (xunto a Proclade y Sed) pa la formación, en Sudán del Sur, de profesores en Yambio, enfermeres/os y comadrones en Wau, agricultores y desplazaos/es de la guerra civil en Riimenze y líderes comuñales en Juba.

Compromisos de tresparencia y bon gobiernu editar

PROYDE foi declarada entidá d'utilidá pública en 1998[26] y sométese a una auditoría contable voluntaria añalmente[27], amás de les auditoríes de la Fundación Lealtad de «Tresparencia y Bones Práutiques de les ONG» sobro'l cumplimientu de principios d'aición, organización y xestión[28][29] y de «Tresparencia y Bon Gobiernu» de la Coordinadora d'Organizaciones non Gubernamentales de Desenvolvimientu d'España (CONGDE).[30][31]

Organización Territorial editar

PROYDE ta presente en 13 Comunidaes Autónomes y una Ciudá Autónoma. La organización territorial concrétase en 5 Delegaciones Territoriales y 61 Delegaciones Locales.[32].
La Delegación Territorial PROYDE – Andalucía coordina les Delegaciones Locales d'Andalucía y la Ciudá Autónoma de Melilla. La Delegación Territorial PROYDE – Levanteruel coordina les Delegaciones Locales de la Comunidá Valenciana y Teruel. La Delegación Territorial de PROYDE – Madrid coordina les Delegaciones Autonómiques y Locales de Madrid, Castiella-La Mancha, Estremadura, Canaries y Murcia. La Delegación Territorial de PROYDE – Noroeste coordina les Delegaciones Autonómiques y Locales d'Asturies, Cantabria, Castiella y Llión y Galicia. La Delegación Territorial de PROYDE – Zaragoza coordina les Delegaciones Locales d'Aragón (sacante Teruel) y La Rioxa.

  • La Delegación Autonómica d'Asturies (que pertenez a la Delegación Noroeste) tien dos Delegaciones Locales asitiaes en: La Felguera y Xixón.

Cada Delegación Territorial ta coordinada por un Delegáu/á que pertenez a la Xunta Directiva de l'Asociación. Les Delegaciones Locales son coordinaes por Delegaos/es que suelen tener un grupu de sofitu pa llevar p'adelantre les actividaes programaes na Delegación.

Referencies editar

  1. ↑ Güeyar pa los estatutos de PROYDE
  2. ↑ Güeyar Quién somos en la web de PROYDE
  3. ↑ Reconocimientu del Ministeriu del Interior de España el 20/7/1988, nᵘ 80.701.
  4. ↑ Redes nes que participa PROYDE
  5. ↑ Declaración de Utilidá Pública el 22/5/1998, nᵘ 5.612.
  6. ↑ ONGD de l'AECID el 20/12/1999, nᵘ 118
  7. ↑ PROYDE, Organización socia de la CECJ
  8. ↑ Misión de PROYDE
  9. ↑ Valores de PROYDE
  10. ↑ Proyeutos y programes de Desenvolvimientu de PROYDE
  11. ↑ Emerxencies nes que participa PROYDE
  12. ↑ Educación pal Desenvolvimientu y la Ciudadanía Global
  13. ↑ Incidencia social y política
  14. ↑ Programes de Voluntariáu
  15. ↑ Comerciu Xustu, Consumu Responsable
  16. ↑ Redes nes que participa PROYDE
  17. ↑ Redes nes que participa PROYDE
  18. ↑ Redes nes que participa PROYDE
  19. ↑ Axentes colaboradores del programa de Ciudaes pol Comerciu Xustu
  20. ↑ Comerciu Xustu en PROYDE
  21. ↑ Centros Educativos pol Comerciu Xustu (PROYDE)
  22. ↑ Centros Educativos pol Comerciu Xustu (IDEAS)
  23. ↑ Coordinadora Lasaliana de ONGD
  24. ↑ Red de ONGD Lasalianes
  25. ↑ Plataformes de Solidaridá
  26. ↑ Declaración d'Utilidá Pública el 22 - 5 - 1998, nᵘ 5.612.
  27. ↑ Memories económiques
  28. ↑ Certificáu d'evaluación de la Fundación Lealtad
  29. ↑ Información de PROYDE en la web de la Fundación Lealtad
  30. ↑ Información de PROYDE en la web de la CONGDE
  31. ↑ Autoregulación y Tresparencia de PROYDE
  32. ↑ Delegaciones Territoriales y Locales de PROYDE

Enllaces externos editar

Sacáu de «https://ast.wikipedia.org/w/index.php?title=Proyde&oldid=4038663»