Ríu Iriri
El ríu Iriri ye un llargu ríu amazónicu brasilanu, el principal afluente del ríu Xingú. Escurre pol estáu brasilanu de Pará, y tien un llargor total de 1.050 km.[1]
| Ríu Iriri | |
|---|---|
 | |
| Situación | |
| País |  Brasil |
| Unidá federativa |  Pará |
| Tipu | ríu |
| Coordenaes | 3°49′00″S 52°36′20″W / 3.8167°S 52.6056°O |
  Ríu Iriri Ríu Iriri (Brasil) | |
| Datos | |
| Conca hidrográfica | conca del Amazones |
| Superficie de la conca | 130 000 km² |
| Llonxitú | 1100 km |
| Nacimientu |
Serra do Cachimbo (en)  |
| Desembocadura | Ríu Xingú |
| Afluentes |
ver
|
 | |
Xeografía editar
El ríu Iriri naz na parte sur del estáu de Pará, casi na frontera col Mato Grosso, nes estribaciones de Serrar do Cachimbo. Escurre un curtiu tramu en direición este pa xirar depués y entamar el so cursu en direición norte. Nel cursu alto recibe los afluentes Ipiranga y Iriri Novo. Depués el ríu tien un llargu tramu nel qu'apaecen munches zones curties de rabiones y cascaes (cachoeiras), como les cachoeiras de Lajedo, Fronteiro, Tapaiuna y Pancada. Nesti cursu alto traviesa la llocalidá de Bomsucesso, y recibe los ríos Chiché, Catete y Baia, ésti agües embaxo de la llocalidá de Bonfim.
Tres la cachoeira de Sao Francisco, recibe pela esquierda'l so principal afluente n'Ente Rios, el ríu Curuá, que con un llargor de 470 km escurre casi paralelu al Iriri, en naciendo casi nos mesmos montes. Sigue'l ríu'l so cursu hasta Praia, onde recibe pela esquierda les agües del Ríozinho do Anfrisio. Equí'l ríu camuda de direición, xirando escontra l'este, bordiando pel sur el territoriu indíxena de Llabrara. El ríu enánchase enforma, con tramos nos que llega a tener más de 2 km, y recibe pela derecha los ríos Caraiari y Novo. Nel so tramu final bordia pel norte'l territoriu indíxena de Karakao y desagua finalmente nel ríu Xingú.
El ríu Iriri escurre íntegramente nel conceyu d'Altamira, el mayor conceyu de Brasil (y del mundu), con 159.696 km². El ríu ye ricu en variedá y cantidá de pexes y utilizóse pa la pesca comercial y deportivo.
La navegación ye posible en pequeñes embarcaciones, yá que tien munchos pequeños tramos de rabiones, lo qu'enzanca la navegabilidad na temporada de branu na rexón amazónica.
Referencies editar
- ↑ Les agües continentales d'América Llatina, de R. Ziesler y G.D. Ardizzone, publicación de la FAO de 1979. Disponible en: http://www.fao.org/docrep/008/ad770b/AD770B06.htm.
Enllaces esternos editar
Wikimedia Commons acueye conteníu multimedia sobre Ríu Iriri 
.
Datos: Q1261515- Multimedia: Iriri River
