R Leonis (R Lleo / HD 84748 / HR 3882 / HIP 48036)[7] ye una estrella variable na constelación de Lleo alcontrada 5º al oeste de Regulus (α Leonis) y al nordeste de Subra (ο Leonis). Cuando ta en rellumu máximu ye visible a simple vista, ente que nel mínimu ye necesariu un telescopiu de siquier 7 cm pa poder vela. Afayóse en 1782 por J.A. Koch,[8] siendo la cuarta variable conocida dempués de Mira (ο Ceti), χ Cygni y R Hydrae.[9]

Ficha d'oxetu celesteR Leonis
estrella[1], Estrella variable[2], estrella variable Mira (es) Traducir[2], Máser astrofísico (es) Traducir[1], estrella con movimiento propio alto (es) Traducir[1] y near-IR source (en) Traducir[1]
Datos d'observación
Ascensión reuta (α) 146,889516587 °[3]
Declinación (δ) 11,428839801036 °[3]
Distancia a la Tierra 71,141 pc
Magnitú aparente (V) 7,53 (banda V)
Constelación Lleo
Velocidá radial 14,1 km/s[5]
Parallax 14,0566 mas[3]
Carauterístiques físiques
Masa 0,7 M☉
Tipu espectral M7-9e[6]
Otros nomes
Cambiar los datos en Wikidata

Coordenaes: Sky map 9h 47m 33.484s, 11° 25 43.823

Acordies coles midíes más recién, R Leonis alcuéntrase a 240 años lluz del Sistema Solar, siendo una de les variables Mira más cercanes. Con un periodu de 312 díes, el so rellumu varia ente magnitú aparente +4,40 y +11,30,[10] lo que supón un aumentu de la so lluminosidá nun factor de 575 dende'l mínimu. Como toles variables Mira, R Leonis ye una xigante colorada que'l so tipu espectral, en mínimu rellumu, ye M8 III.[11]

Nesta clase de variables, la superficie estelar nun ta bien definida y la midida direuta del diámetru angular depende de la llonxitú d'onda emplegada según del momentu del ciclu nel que s'atope la estrella. Amás, observaciones efectuaes col Telescopiu espacial Hubble amosaron que la forma de R Leonis nun ye esférica sinón elipsoidal —con forma de güevu—, siendo'l so diámetru aparente 70 × 78 milisegundos d'arcu. Ello pue ser la resultancia de pulsaciones non radiales —la estrella nun s'espande igual en toes direiciones— o puede ser una ilusión óptica causada por manches escures na so superficie.[12] Por tou ello, la midida del so radiu —por interferometría y tapecimientu llunar— da llugar a valores que van dende 1 UA a 2 UA.[9] Les variables de llargu periodu son estrelles bien evolucionaes que s'espandieron como xigantes per segunda vegada y que'l so interior ta formáu por oxíxenu y carbonu inertes. Nun determináu momentu desestabilícense, empezando a púlsar —espandiéndose y contraer—, lo qu'anicia la variabilidá. La gran variación nel espectru visible ye frutu de les fluctuaciones de temperatura producíes pola pulsación, pero la variación na so lluminosidá total —y nel infrarroxu— ye muncho menos acusada.[9]

Nel momentu de la so nacencia, envalórase que R Leonis tenía una masa de 1,5 mases solares. Güei, al igual qu'otres estrelles asemeyaes, R Leonis pierde masa estelar a un ritmu bien fuerte; el material circundante emite potentes máseres de monóxidu de siliciu (SiO) y hidroxilo (OH), onde les molécules emiten microondes asemeyaes a les d'un láser. L'agua tamién ta presente. Les fluctuaciones del máser de SiO impliquen un campu magnéticu y la posible presencia d'un planeta.[9]

Ver tamién editar

Referencies editar

  1. 1,0 1,1 1,2 1,3 Afirmao en: SIMBAD.
  2. 2,0 2,1 Afirmao en: General Catalogue of Variable Stars.
  3. 3,0 3,1 3,2 3,3 Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
  4. Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  5. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  6. «Revised catalog of spectra of Mira variables of types Me and Se». The Astrophysical Journal Supplement Series:  páxs. 271–307. payares 1974. doi:10.1086/190318. 
  7. R Leonis - Variable Star of Mira Cet type (SIMBAD)
  8. R Leonis (AAVSO)
  9. 9,0 9,1 9,2 9,3 R Leonis (Stars, Jim Kaler)
  10. R Leonis (General Catalogue of Variable Stars)
  11. Mira Variable in Lleo. SEDS
  12. Hubble Telescope Measures Diameters of Pulsating Stars. Hubblesite

Coordenaes:   9h 47m 33.484s, 11° 25 43.823