Ralph Edwards (13 de xunu de 1913Colorado – 16 de payares de 2005Los Angeles) foi un presentador radiotelevisivo y productor d'Estaos Xuníos.

Ralph Edwards
Vida
Nacimientu Colorado13 de xunu de 1913[1]
Nacionalidá Bandera de Estaos Xuníos d'América Estaos Xuníos
Muerte Los Angeles16 de payares de 2005[1] (92 años)
Sepultura Forest Lawn Memorial Park
Causa de la muerte insuficiencia cardiaca
Estudios
Estudios Universidá de California en Berkeley
Oakland High School (en) Traducir
Oficiu presentador de televisión, llocutor radiofónicu, actor de cineproductor de televisión
Premios
IMDb nm0250287
Cambiar los datos en Wikidata

Entamos editar

El so nome completu yera Ralph Livingstone Edwards, y nació en Merino, Colorado.[2] Mientres estudiaba na high school en Oakland (California), Edwards yá trabayaba pa la emisora radiofónica KROW-AM. Tres la so graduación en 1931, empecipió estudios na Universidá de California en Berkeley, consiguiendo'l Bachelor of Arts n'Inglés en 1935. Mientres estudiaba ellí, fixo diversos trabayos, dende conserxe hasta productor de la emisora KTAB d'Oakland. Incapaz d'atopar ocupación como profesor de high school, trabayó na KFRC, diéndose más palantre a Nueva York en busca d'oportunidaes.[3]

Tres dellos trabayos a tiempu parcial como llocutor, en 1938 llegó-y el so gran oportunidá na emisora de Columbia Broadcasting System WABC (actual WCBS-AM), na cual collaboró con otros dos nuevos llocutores, Mel Allen y Andre Baruch, futures personalidaes del mediu.

Tres unos pocos años nel oficiu, Edwards reafitóse como un llocutor de fama nacional. Foi Edwards el que presentó Major Bowes toles selmanes en Orixinal Amateur Hour y a Fred Allen en Town Hall Tonight. Edwards perfeccionó una téunica d'espresión, "risa na voz ", que lu sirvió pa ser contratáu por 20th Century Fox pa narrar los traileres de les películes d'El gordu y el flacu.

Edwards foi'l segundu presentador del programa radiofónicu de la NBC dedicáu a talentos infantiles The Horn and Hardart Children's Hour. Amás actuó nunos pocos filmes, ente ellos Radio Stars On Parade, con Wally Brown y Alan Carney", y I'll Cry Tomorrow, con Susan Hayward.

Truth or Consequences editar

En 1940 Edwards creó'l concursu Truth or Consequences, emitíu a lo llargo de 38 años pela radio y la televisión, y nel cual los concursantes teníen de faer dellos exercicios risibles en cuenta de unos premios.

El show producíase orixinalmente en Nueva York (con Allen como llocutor), pero dempués treslladóse a Los Angeles. Nun principiu foi producíu pa la televisión pola CBS, y dempués pasó a la NBC.

La población Truth or Consequences, en Nuevu Méxicu, recibe'l so nome pol concursu de Edwards. El presentador prometiera retresmitir el show dende la primer ciudá qu'utilizara'l nome del programa. Asina, a partir de 1950 foi a dicha población toles primeres fines de selmana de mayu a lo llargo de los siguientes cincuenta años.

Otros trabayos editar

Edwards produció docenes de concursos, ente ellos About Cares, Knockout, Place the Face, It Could Be You, Name That Tune (versión de los años setenta) y The Cross-Wits. En 1981, xunto a Stu Billett, foi'l productor executivu de The People's Court, el primer programa del so tipu. En 1996, tamién con Stu Billett, produció Bzzz!.

El programa pol cual Edwards ye probablemente más recordáu ye This Is Your Life, producíu y presentáu por él, y nel que cada selmana sorprendía a una persona (usualmente una celebridá, anque non siempres) repasando la so vida personal y profesional.

Edwards apolazó la carrera d'otru presentador de concursos, el so protexíu Bob Barker. La versión televisiva de Truth or Consequences cuntaba con Edwards, Jack Bailey y Stephen Dunne nes décades de 1940 y 1950. Cuando'l show volvió pa faer nueves emisiones cola NBC a partir de finales de 1956, Edwards contrató a Barker, un popular presentador radiotelevisivo de la Mariña oeste. Barker presentó Truth cola NBC hasta 1965, y en redifusión hasta 1975.

Fallecimientu editar

Ralph Edwards finó en 2005 en Los Angeles, California, por causa de un fallu cardiacu.[4] Foi soterráu nel Campusantu Forest Lawn Memorial Park de Glendale, California.

Pola so contribución a la industria radiofónica y televisiva, Ralph Edwards tien dos estrelles nel Paséu de la Fama de Hollywood, una nel 6116 de Hollywood Boulevard (radio), y otra nel 6262 de la mesma vía (televisión).

Referencies editar

  1. 1,0 1,1 Afirmao en: Encyclopædia Britannica Online. Identificador Encyclopædia Britannica Online: biography/Ralph-Edwards. Apaez como: Ralph Edwards. Data de consulta: 9 ochobre 2017. Llingua de la obra o nome: inglés.
  2. Current Biography 1943, pp192-94
  3. Silverman, Stephen M. (16 de payares de 2005). «Pioneer TV Host Ralph Edwards Dies at 92». people.com. Consultáu'l 12 de marzu de 2009.

5. http://www.legacy.com/NS/Obituary.aspx?pid=15684060

Enllaces esternos editar