Un ritual ye un conxuntu d'aiciones, davezu pensaes pa tener un valor simbólicu, y la so puesta n'escena ye davezu preescrita por una relixón o poles tradiciones d'una comunidá.

Ritual
Tradición, serie (es) Traducir, procesu d'inxeniería y ceremonia
Cambiar los datos en Wikidata

Un ritual faise dientru de periodos regulares, o n'ocasiones específiques, a vegades a discreción d'individuos o comunidaes. Pue realizase individualmente, en grupu o por tola comunidá; en sitios arbitrarios o en llugares específicamente reservaos pa ello; y al mesmu tiempu puen ser pa xente específico o non (públicos o provaos). Un ritual pue tar restrinxíu a una estaya concreta de la sociedá, y pue significar el pasu d'un individuu o más d'una estaya a otra nel ámbitu relixosu o social.

El propósitu de los rituales ye variao; inclúin rellación con obligaciones o ideales relixosos, satisfacción de les necesidaes espirituales o emocionales de los prauticantes, puen guetar facer más fuertes los llazos sociales, manifertas respitu o sumisión, afitar una afiliación, obtener aceutación social o aprobamientu pa dalgún eventu, o a vegaes sólo pol placer del ritual en sí mesmu.

Los rituales son daqué estendío cuasi a toles sociedaes humanes, pasaes o presentes. Inclúin nun sólo ritos d'adoración, sacramentos y cultos de relixones organizaes, sino tamién ritos de pasu de delles sociedaes, xuramentos d'obediencia, coronaciones, ya inauguraciones presidenciales, casamientos y funerales, tradiciones escolares y graduaciones, aconceyamientos de clubes, eventos deportivos, festexos de Halloween, pasucais de veteranos, compres de Navidá y más. Munches actividaes que son ostensiblemente llevaes a cabu por propósitos concretos como los xuicios, execuciones de criminales, etc., son cargaos con a esgaya d'aiciones simbóliques preescribies y regulaes. Aínda aiciones comunes como dar la man o dicir hola son rituales.

Referencies editar

Enllaces esternos editar