Robert Kocharián
Robert Sedraki Kocharián (n'armeniu: Ռոբերտ Սեդրակի Քոչարյան, pronunciáu como [ɾɔbɛɾt kʰɔtʃʰɑɾjɑn]; nacíu'l 31 d'agostu de 1954) ye un políticu d'Armenia, presidente de la República ente 1998 y 2008. Primeramente fuera Presidente del estáu de facto Nagorno-Karabakh dende 1994 a 1997 y primer ministru d'Armenia dende 1997 a 1998.
_ribbon.svg){kind=small}
_Ribbon.png){kind=small}
_-_ribbon_bar.png){kind=small}
Biografía editar
Primeros años y educación editar
Robert Kocharián nació en 1954, na rexón de Nagorno-Karabakh, que daquella taba sol dominiu de la RSS d'Azerbaixán. Recibió la so educación secundaria en Stepanakert, la capital d'aquella rexón, y realizó el so serviciu militar nel Exércitu soviéticu ente los años 1972 y 1974.[3] Darréu viaxó a la RSS d'Armenia, onde ingresó a estudiar inxeniería llétrica nel Institutu Politéunicu de Yereván, onde se tituló en 1982.
Carrera política editar
Era soviética editar
Dende 1980, Kocharián foi miembru del Komsomol y militante de la caña llocal del Partíu Comunista de la Xunión Soviética. En 1988, tres violentos conflictos étnicos escontra la población armenia en Nagorno-Karabakh, Kocharián foi unu de los partidarios de que la rexón fora anexada por Armenia. Pa remediar la situación, el Sóviet Supremu de la URSS decretó l'alministración direuta de la rexón, pero aun así, siguieron los casos de hostigamiento y espulsiones de les comunidaes armenies en ciudaes y rexones azerbaixanes, faciendo que Kocharián aumentara la so condena escontra estos actos de violencia.[3]
En febreru de 1989, Kocharián foi escoyíu diputáu del Sóviet Supremu, representando la rexón de Nagorno-Karabakh, y tamién foi parte del Presidium. Tamién aportó a miembru del Comité Karabakh, organización de corte nacionalista, que magar en primer instancia buscaba reunificar la rexón de Nagorno-Karabakh, tamién foi unu de los primeros grupos opositores al Partíu Comunista d'Armenia. N'ochobre de 1989, el Comité Karabakh pasa a ser el Movimientu Nacional Panarmenio (HHSh), que llogra una victoria aplastante nes eleiciones pluralistes del Sóviet Supremu, realizaes el 20 de mayu de 1990, na que'l so líder, Levon Ter-Petrosián, llanza un programa nacionalista, qu'esixe la independencia d'Armenia de la URSS, y el cese a les hostilidaes en Nagorno-Karabakh.[3]
Trayeutoria editar
En marzu de 1997 foi nomáu Primer Ministru de la República d'Armenia. N'abril de 1998 foi electu, como'l segundu Presidente de la República d'Armenia, asocediendo a Levin Ter-Petrosian, quien gobernó dende la independencia de la URSS en 1991.
Mientres la mayor parte del so mandatu presidencial, ente 2001 y 2007, la economía armenia creció a un ritmu mediu del 12% añal, principalmente debíu al boom de la construcción. Mientres la so presidencia foi testigu de dos de los más sangrientos eventos na hestoria de l'Armenia independiente: l'asaltu al parllamentu armeniu y l'asesinatu de 10 persones mientres les protestes que tuvieron llugar nel procesu eleutoral de 2008.
Referencies editar
- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 3,0 3,1 3,2 «CIDOB - CIDOB». Consultáu'l 15 de xunu de 2018.
Enllaces esternos editar
Wikimedia Commons acueye conteníu multimedia sobre Robert Kocharián.- Biografía por CIDOB (n'español)
| Predecesor: Levon Ter-Petrosian |
 Presidente de la República d'Armenia 1998 - 2008 |
Socesor: Serzh Sargsyan |
| Predecesor: Armen Sarkissian |
Primer ministru d'Armenia 1997 - 1998 |
Socesor: Armen Darbinyan |
Datos: Q613051- Multimedia: Robert Kocharyan
