Rublu bielorrusu

Rublu bielorrusu
	рубе́ль
País	Bielorrusia
Entidá emisora	Bancu Nacional de la República de Bielorrusia
Fabricáu por	De La Rue
Primer emisión	1r xunetu 2016
Símbolu	Br
Códigu ISO 4217	BYN

El rublu bielorrusu (en bielorrusu беларускі рубель, bielaruski rúbiel') ye la moneda de Bielorrusia. El códigu ISO 4217 que-y pertenez ye BYR y davezu abréviase como Br. Un rublu alcuéntrase dixebráu en 100 copecs (капеек, kapiéiek; en singular капейка, kapieika; abreviáu kap), fraición qu'anguaño nun s'emplega.

El nome de la divisa provién del rublu rusu y foi introducida en Bielorrusia dempués de la cayida de la Xunión Soviética, el 14 d'ochobre de 1992, como sustitutu del rublu rusu a razón de 2 rublos bielorrusos por un rublu rusu. El sistema monetariu bielorrusu, controláu pol Bancu Nacional de la República Bielorrusa (Національні банк Рэспублікі Беларусь, Natsionalni bank Respúbliki Bielarús), refugó la introducción de la moneda nacional, el tàler.

El 20 d'agostu de 1994 sustituyóse l'antiguu rublu bielorrusu por un nuevu rublu, a razón de 10 antiguos por ún nuevu. El 1 de xineru de 2000 fízose una nueva devaluación que xeneró un nuevu rublu. Caún tenía un valor de 1.000 rublos del añu 1994. En xineru de 2006, el rublu bielorrusu yera la unidá monetaria col valir más baxo d'Europa.

Monedes y billetes en circulación editar

Agora namái que tán disponibles monedes conmemoratives que nun s'emplegen davezu.

Circulen billetes de 10, 20, 50, 100, 500, 1.000, 5.000, 10.000, 20.000, 50.000 y 100.000 rublos.

Tases de cambéu editar

1 EUR = 4.430,20 BYR (18 de mayu de 2011)
1 USD = 3.130,00 BYR (18 de mayu de 2011)

Ver tamién editar

Rublu

Referencies editar

Enllaces esternos editar

Bancu Ñacional de la República Bielorrusa