Rush
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Rush ye una banda canadiense de hard rock formada n'agostu de 1968 nel barriu de Willowdale de Toronto, tán consideraos como pioneros ya influencia fundamental del xéneru más tarde conocíu como "metal progresivu".
| Rush | ||
|---|---|---|
 | ||
| Datos xenerales | ||
| Orixe | Toronto, Canadá | |
| Información artística | ||
| Xéneru(os) | Hard rock, arena rock, rock progresivu, heavy metal | |
| Periodu d'actividá | 1968 - 1997; 2002 - actualidá | |
| Sellu discográficu | Anthem, Mercury, Atlantic | |
| Miembros | ||
| Geddy Lee, Alex Lifeson, Neil Peart | ||
| Enllaces esternos | ||
| Sitiu web oficial | https://www.rush.com/ | |
| Discogs | 61800 | |
| rushtheband | ||
| rushtheband | ||
| IMDb | nm2000037 | |
| [editar datos en Wikidata] | ||
La formación caltiénse estable dende 1974, cuando Neil Peart reemplazó al batería orixinal, John Rutsey, enantes de la so primer xira per Estaos Xuníos. Amás de Peart, la formación inclúi al baxista, teclista y cantante Geddy Lee y al guitarrista Alex Lifeson.
Carrera editar
Dende'l llanzamientu del so álbum debú homónimu en marzu de 1974, fueron reconocíos pola so maestría musical, poles sos complexes composiciones y pola ecléctica temática de les sos lletres, apoderaes pola ciencia ficción, la fantasía, la filosofía llibertaria y desenvolviendo tamién temes humanitaries, sociales, emocionales y medioambientales.
Musicalmente, el so estilu evolucionó a lo llargo de los años; nos sos primeros álbumes yera proto-heavy metal inspiráu nel blues rock y hard rock de Led Zeppelin, dempués incursionaron más abiertamente nel rock progresivu, amás d'un periodu nel que predominó l'usu de sintetizadores, nos años 80. Rush influyeron a numberosos artistes y bandes, como Metallica, The Smashing Pumpkins y Primus, amás de bandes de "metal progresivu" como Queensrÿche, Dream Theater o Symphony X.
En 2004, les sos ventes totales a nivel mundial xubíen a unes cuarenta millones de copies. Hasta 2009 la banda vendió -namái nos Estaos Xuníos- venticinco millones d'álbumes, según l'axencia de certificación RIAA, que-yos allugó na so llista d'artistes con más ventes, y que-yos dio 24 discos d'oru y 14 de platín, 3 d'ellos de multiplatín (más de dos millones de copies vendíes) polos álbumes d'estudiu 2112 (1976), Moving Pictures (1981) y el compiláu doble Chronicles (1990).
Según la RIAA, son tamién una de les bandes en llograr más certificaciones d'oru o platín consecutives detrás d'artistes como The Beatles, The Rolling Stones o Aerosmith. Dende 1974 a 2012 editaron 20 álbumes d'estudiu, 9 álbumes en direutu y 8 álbumes recopilatorios.
Recibieron seis premios canadienses "Juno", amás d'entrar nel "Canadian Music Hall of Fame" en 1994. Fueron nomaos siete veces al "Grammy", cinco d'elles a "Meyor actuación de rock instrumental", les últimes en 2008 y 2009. Los sos miembros son consideraos instrumentistes habilidosos y recibieron individualmente reconocencies de prestixoses revistes.
El 18 d'abril de 2013 Rush fueron incluyíos nel "Salón de la Fama del Rock" d'Estaos Xuníos.
Miembros editar
- Geddy Lee - voz, baxu, teclaos, sintetizador
- Alex Lifeson - guitarres
- Neil Peart - batería, percusión, lletres
- Otros miembros (entamos)
- John Rutsey
- Jeff Jones
Discografía editar
- Rush (1974)
- Fly by Night (1975)
- Caress of Steel (1975)
- 2112 (1976)
- A Farewell to Kings (1977)
- Hemispheres (1978)
- Permanent Waves (1980)
- Moving Pictures (1981)
- Signals (1982)
- Grace Under Pressure (1984)
- Power Windows (1985)
- Hold Your Fire (1987)
- Presto (1989)
- Roll the Bones (1991)
- Counterparts (1993)
- Test for Echo (1996)
- Vapor Trails (2002)
- Feedback (2004)
- Snakes & Arrows (2007)
- Clockwork Angels (2012)
Referencies editar
Enllaces esternos editar
Datos: Q203871
Multimedia: Rush (band)
