El Serviciu d'Asitencia Médica Urxente o SAMU ye l'encargáu pol Serviciu de Salú del Principáu d'Asturies (SESPA) de responder a toles urxencies sanitaries nel territoriu de la provincia d'Asturies les 24 hores del día y los 365 díes del añu.

SAMU
organización
SAMU
Cambiar los datos en Wikidata

L'accesu al serviciu realízase al traviés del númberu de telefónu 112, que ye'l mesmu en tola Xunión Europea.

Historia editar

  • 1988: Creación del teléfonu 006 como receutor de les demandes urxentes.
  • 1989: Incorpórase un médicu a la central de coordinación.
  • 1995: Emprima'l funcionamientu de les UVI Móviles na comunidá, pa l'asistencia a la emerxencia estrahospitalaria, dependientes xerárquicamente de los servicios d'urxencies de los hospitales.
  • 1998: Cambia'l númeru d'accesu telefónicu al 1006.
  • 2000: Entamu del funcionamientu del SAMU 061 como númberu d'accesu telefónicu pa la urxencia sanitaria, central de coordinación y UMEs (Unidaes Medicalizaes d'Emerxencies) de Xixón, Uviéu (por tresformación de les UVI Móviles yá esistentes) y Avilés, esta última de nueva creación.
  • 2001: Aniciu de l'actividá de la UME de Llangréu.
  • 2002:
    • Coles tresferencies de sanidá a les Comunidaes Autónomes pasa a depender del Serviciu de Salú del Principáu d'Asturies(SESPA).
    • Cambia oficialmente'l teléfonu d'accesu a la demanda adoptándose'l 112. Con ello modifícase tamién la identidá corporativa de los vehículos y la uniformidá del personal.
    • Empecipia'l funcionamientu de les UMEs d'Arriondes y Mieres.
    • El SAMU empieza a realizar tresporte secundariu intraprovincial coles UMEs d'Arriondes, Llangréu y Mieres.
    • Comienzu de funcionamientu del Códigu Ictus pa l'asistencia d'esta patoloxía llimitándose a l'área sanitaria IV.
    • Fírmase un alcuerdu col Hospital Universitariu Central d'Asturies per aciu del que'l personal facultativu del SAMU realizaría'l tresporte secundariu estracomunitariu. La enfermería de mano nun taba incluyida nesti alcuerdu, anque posteriormente inclúise nel proyeutu.
    • Realízase'l primer dispositivu asistencial pa la cobertura sanitaria del Descensu Internacional del Sella, qu'esi añu consistió en disponer na zona d'una UVI Móvil con una dotación completa de personal.
    • Treslládase la Central de Coordinación d'Urxencies Sanitaries dende la Delegación del Gobiernu n'Uviéu a les instalaciones del 112 en La Morgal.
  • 2003:
    • Cómprase y ponse en funcionamientu parcial la plataforma teunolóxica pa la xestión de la demanda sanitaria urxente.
    • Aniciu del despliegue de les Unidaes de Soporte Vital Básicu como vehículos pa l'asistencia a la urxencia esclusivamente; comienza'l funcionamientu de 9 unidaes.
    • Rexistru Ustein
  • 2004:
    • Espardimientu del alcuerdu pal tresporte sanitariu estraprovincial de pacientes críticos al restu d'hospitales de la rede público.
    • Produzse la informatización del rexistru d'actividá nes UMEs per aciu d'una aplicación informática desenrollada pola Unidá de Coordinación de Sistemes del SESPA: l'aplicación ASTER.
    • Dispónense de llistaos unificaos de material y medicamentos pa les UMEs.
    • Emprimen los trabayos de la Comisión de Planificación de l'asistencia a Accidentes de Múltiples Víctimes y Catástrofes.
    • EL SAMU consolídase como proveedor de cursos sobre urxencies y emerxencies nel Serviciu de Salú, amás de collaborar na formación sobre temes de Policíes Llocales y Bomberos.
    • Complétase'l desenrollu de la plataforma teunolóxica, actualizándose'l módulu d'explotación de datos.
  • 2005:
    • Presentación del "Manual de procedimientos del SAMU Asturies pa l'asistencia a Múltiples Víctimes y Catástrofes".
    • Anicia'l "tresporte secundariu de pacientes críticos nel área central d'Asturies".
    • Incorporación del sestu equipu a les bases de les UMEs.
    • Estensión del "Códigu Ictus" a les zones cubiertes por UMEs nuna isocrona de 30 minutos dende l'Hospital Universitariu Central d'Asturies.
    • Aumenta la implantación de les Unidaes de Soporte Vital Básicu, cola puesta en marcha de 11 nuevos vehículos.
    • Créase la páxina web del SAMU Asturies.

Referencies editar

Enllaces esternos editar