Santa María de Bendones

ilesia, Bien d'Interés Cultural

La Ilesia de Santa María de Bendones (792-842) ta allugada nel centru del pueblu de Bendones, parroquia perteneciente al conceyu d'Uviéu (Asturies). Ye una de les ayalgues del arte prerrománicu asturianu. Foi declarada Monumentu Nacional n'avientu del añu 1958.

Santa María de Bendones
Bien d'Interés Cultural
ilesia y monumentu
Llocalización
País España
Autonomía Principáu d'Asturies
Provincia provincia d'Asturies
Conceyu Uviéu
Parroquia Uviéu
Ciudá Uviéu
Coordenaes 43°20′10″N 5°48′23″W / 43.336°N 5.80631°O / 43.336; -5.80631
Santa María de Bendones alcuéntrase n'Asturies
Santa María de Bendones
Santa María de Bendones
Santa María de Bendones (Asturies)
Historia y usu
Aperturasieglu IX
Orixe del nome María
Arquiteutura
Estilu arte prerrománicu
Patrimoniu
BIC RI-51-0001265[1]
Cambiar los datos en Wikidata

Historia editar

 
250 px Visión dende la esquina noroeste col campanariu al fondu.

La so construcción nun ta bien identificada nel tiempu ya que nun se conserva nengún documentu nel que quede espeyao l'añu de la so construcción. pero gracies al so estilu. podemos datala dientru de la estaya del reináu d'Alfonsu II, pol so parecíu con otra obra prerrománica del conceyu d'Uviéu como ye Santullano. Durante'l reináu d'Alfonsu III atopamos la primer base documental del templu ya qu'esti documentu afita que Santa María de Bendones foi donada a la Catedral d'Uviéu por parte d'Alfonsu III.

Durante la guerra civil sufrió graves y abondos daños que finaron con una quema nel añu 1936, colo que la ilesia quedó valtada parcialmente. La ilesia foi escaecida hasta 1954 cuando Joaquín Manzanares descubrió les sos ruines y se puso a trabayar, durante cuatru años, na so restauración embaxo la direición del arquiteutu Luis Menéndez Pidal.

Arquiteutura editar

 
Una de les ventanes.

Santa María de Bendones aseméyase a Santullano. Tien planta rectangular. Tien un porticu triple formáu por arcos de mediu puntu, pilares y contrafuertes. Depues de cruzar pel porticu, baxamos a la nave, de menos altura. Tien al sur y al norte dos segmentos o capielles rectangulares. Na capiella mayor alcuéntrase l'ara prerrománica, segunda más vieya de les esistentes, depués de la de Santianes de Pravia. Na capiella sur alcuéntrase l'altar orixinal de la ilesia, y que tovía caltién restos de decoración pictórica. Nel esterior alcuéntrase una torre-campanariu de forma rectangular, tamién vense dolosíes reconstruíes qu'allumen la nave central. El techu de la ilesia ta cubiertu de madera en tolos segmentos, quitando l'ábside que ta fechu con una bóveda de cañón.

Bibliografía editar

  • La pintura mural en el Reino de Asturias en los siglos IX y X. Oviedo, 1999. Editorial Trea S.L. ISBN 84-923608-1-X
  • Rutas del prerrománico en Asturias. Madrid, 1999. Editorial Jaguar ISBN 84-8996-032-1
  • Prerrománico Asturiano. El arte de la monarquía Asturiana. Gijón, 1999. Editorial Trea ISBN 84-9517-839-7
  • A la búsqueda del prerrománico olvidado (2 Tomos). Gijón, 1999. Autor: Francisco Monge Calleja ISBN 84-9313-500-3
  • Guía del prerómanico: Visigodo, Asturiano, Mozárabe. Madrid, 2005. Editorial: Anaya

Referencies editar

Enllaces esternos editar