Shōnen Jump

Shōnen Jump
Datos
Tipu	revista xaponesa de manga
Fundación	1968
Idioma	xaponés
Estáu	Xapón
Editorial	Shueisha
Páxina web	shonenjump.com…

Shōnen Jump (少年ジャンプ) son dos revistes recopilatories de manga, una selmanal y la otra mensual, espublizaes por Shūeisha. La revista selmanal ye anguaño la más vendida de Xapón (amás de ser la revista de cómics más vendida del mundu), con 6 millones d'exemplares cada selmana.

N'ella espublizáronse munches obres que darréu tendríen munchu ésitu nel formatu tankōbon (tomos de 200 páxines). La Shōnen Jump ta empobinada al shōnen (ye dicir, haza mozos adolescentes). Les histories suelen tener muncha aición y aventura, y davezu los sos protagonistes son mozos xóvenes con habilidaes especiales.

Non sólu s'espubliza en Xapón, sinón que tamién nos Estaos Xuníos, Canadá, Alemaña (nesti caberu país col títulu de "Banzai!"), y Suecia. Anque la revista nun se vende en países como Corea del Sur, Ḥong Kong, Taiwán y Tailandia, los títulos de manga de Shōnen Jump tornense y distribúin nesos países.

Referencies editar

Enllaces esternos editar

Wikimedia Commons tien conteníu multimedia tocante a Shōnen Jump.