Wikipedia

Suede

07-03-2021 19:20

Suede ye un grupu de rock alternativu británicu formáu en 1989. N'Estaos Xuníos foron conocíos como The London Suede, darréu que'l so nome orixinal yá taba rexistráu.

Suede
Datos
Tipu grupu de rock
Miembros Bernard Butler, Neil Codling y Mat Osman
Xéneru rock alternativu
Sellu discográficu Columbia Records
Nude Records (es) Traducir
País Bandera del Reinu Xuníu Reinu Xuníu
Orixinarios de Londres
Fecha fundación 1989
Web oficial
Cambiar los datos en Wikidata

En 2010 reformóse la banda, y en 2011 anuncióse la preparación d'un álbum d'estudiu nuevu. Siguen n'activu y el so últimu álbum espublizóse en setiembre de 2018.

La formación cola que se dieron a conocer foi: Brett Anderson (Voz), Bernard Butler (Guitarra), Matt Osman (Baxu) y Simon Gilbert (Batería). Enantes de grabar el so primer discu tamién pasaron pela banda per pocu tiempu la batería de The Smiths, Mike Joyce y la que más tarde sería cantante y líder del grupu Elastica, Justine Frischmann, por aquella dómina novia de Brett Anderson.

Historia editar

Entamos editar

Cuando'l grunge españó a principios de los noventa de la mano de Nirvana, toles miraes empobináronse haza'l rock alternativu y l'indie rock que taba faciéndose nesos momentos n'América del Norte. Les llistes d'ésitos y la prensa británica enllenáronse de grupos americanos y los mozos d'esi país y de tol mundu amosaben más interés no que se faía al otru llau del océanu. Esto yera un nozu pa una industria avezao a llevar la batuta nos nuevos enclinos del pop y el rock. Asina que, colos Stone Roses en paradoriu desconocíu naquella dómina y la eclosión del Britpop entá por llegar, la prensa musical llanzóse a buscar a los nuevos The Smiths pa faer frente a la nueva competencia.

De manera que cuando Suede espublizó'l so primer cenciellu en 1992, “The Drowners”, la crítica rindióse a los sos pies, recibiéndolos como la gran esperanza del pop británicu. Sería entós cuando s'empecipia una rellación bien especial cola prensa musical d'aquel país, tan propensa a desaxeraciones y polémiques, na que non siempres saldríen bien paraos.

Dempués del so primer cenciellu vendríen dos más, “Metal Mickey” y el clásicu “Animal Nitrate”, y a midida que díbense asocediendo los cenciellos percibíense más claramente les principales referencies del so soníu. Per un sitiu el Glam Rock de T.Rex y sobremanera del David Bowie de la dómina de Ziggy Stardust; por otru'l llirismu del meyor pop de los ochenta de los sos almiraos The Smiths y d'Echo and the Bunnymen.

A pesar d'estes influencies obvies, la voz de Brett destacaba por sí mesma, amosando ser un estraordinariu cantante capaz dotar de dramatismu y emoción los cantares compuestos por él y Bernard ensin deber nada a naide. Nos sos conciertos tamién revelóse como un líder que tresvertía pasión y enerxía, frutu de los años que pasaron tocando en clubes enantes de tener contratu discográficu.

Rescamplaba tamién el talentu que tenía Bernard Butler pa tocar la guitarra, que dacuando paecía tocada por Johnny Marr y n'otres ocasiones paecía'l mesmu Mick Ronson.

Destacaben coles mesmes les sos lletres, que cuntaben hestories de sexu, nocturnidá y congoxa xuvenil, narraes con un posu románticu y cínicu a partes iguales.

L'antemanada ambigüedá sexual qu'exhibíen taba heredada direutamente del Glam Rock, pero amestándo-y muncha más sobriedá. Esto faía que'l discutiniu siempres arrodiara les sos declaraciones a la prensa, como cuando Brett afirmó que yera un bisexual que nunca tuviera una esperiencia homosexual.

Discografía editar

  • Suede (1993)
  • Dog Man Star (1994)
  • Coming Up (1996)
  • Sci-Fi Lullabies (1997)
  • Head Music (1999)
  • A New Morning (2002)
  • Bloodsports (2013)
  • Night Thoughts (2016)
  • The Blue Hour (2018)

Videografía editar

  • Love And Poison, 1993.
  • Introducing the Band, 1995.
  • Lost In TV (DVD), 2001.

Singles editar

De Suede:

  • The Drowners, 1992.
  • Metal Mickey, 1992.
  • Animal Nitrate, 1993.
  • Guo Young, 1993.

Cenciellu:

  • Stay Together (ep), 1994.

De Dog Man Star:

  • We Are The Pigs, 1994.
  • The Wild Ones, 1994.
  • New Generation, 1995.

De Coming Up:

  • Trash, 1996.
  • Beautiful Ones, 1996.
  • Saturday Night, 1997.
  • Lazy, 1997.
  • Filmstar, 1997.

De Head Music:

  • Electricity, 1999.
  • She's In Fashion, 1999.
  • Everything Will Flow, 1999.
  • Can't Get Enough, 1999.

D'A New Morning:

  • Positivity, 2002.
  • Obsessions, 2002.

De Singles:

  • Attitude, 2003.

De Bloodsports:

  • It Starts And Ends With You, 2013.
  • Hit Me, 2013.
  • For the Strangers, 2013.

De Night Thoughts:

  • Outsiders, 2015.
  • Like Kids, 2015.
  • Pale Snow, 2016.
  • Non Tomorrow, 2016.
  • What I'm Trying to Tell You, 2016.

De The Blue Hour:

  • The Invisibles, 2018.
  • Life Is Golden , 2018.

Referencies editar

Enllaces esternos editar

Sacáu de «https://ast.wikipedia.org/w/index.php?title=Suede&oldid=3988424»