Perico Delgado, ganador del añu anterior y segundu en 1987, partía como unu de los grandes favoritos al trunfu final. Ente los sos rivales, destacaben los nomes de Steven Rooks, Greg LeMond, Laurent Fignon, Fabio Parra o Stephen Roche.
Yá na etapa prólogu, el vixente campeón, Pedro Delgado, perdió más de dos minutos y mediu por un despiste y llegar tarde pa tomar la salida. La so desventaxa veríase amontada pocos díes dempués, en realizando una contrarreló por equipos realmente mala na que l'equipu Reynolds remató postreru a más de cuatro minutos y mediu del vencedor de la etapa, el Super O de Laurent Fignon.
Tres la contrarreló de la 5ª etapa, paecía claro que'l Tour diba decidise ente LeMond y Fignon. El norteamericanu fixo aquel día cola etapa y el maillot mariellu.
La 9ª etapa supunxo la primera toma de contautu col altu monte. Miguel Indurain consiguió'l que, a lo postrero, sería l'únicu trunfu español nel Tour de 1989. Otros dos españoles fueron segundu y terceru aquel día, Anselmo Fuerte y Perico Delgado, que empezaba a retayar diferencies colos dos homes más fuertes de la carrera. Tres la 10ª etapa, na que se xubió, ente otros, el Col du Tourmalet, Delgado taba cuartu a menos de tres minutos del líder, el francés Fignon.
Tres delles etapes nes que les diferencies ente LeMond y Fignon camudaben d'un día pa otru, llegó la 17ª etapa, con final en Alpe d'Huez, na cual vencería'l neerlandés Gert-Jan Theunisse. Perico Delgado, que foi segundu naquella etapa (y terceru na xeneral), llegó en compañía de Laurent Fignon, que xunto cola etapa del día siguiente, llograría poner a LeMond a 50 segundos na clasificación xeneral.
Sicasí, nun sería abondu, pos na última etapa, una contrarreló de 24 quilómetros, el norteamericanu Greg LeMond consiguiría aventayar a Laurent Fignon en 8 segundos, ganando asina'l Tour de Francia pola menor diferencia de la historia. Pedro Delgado terminaría terceru, arrenegando la so mala suerte nes etapes iniciales, que quitó-y de la posibilidá de vencer na ronda francesa per segunda vegada.
.jpg)
Francia
Luxemburgu.svg){kind=small}
Bélxica
Greg LeMond (AD Renting-W-Cup-Bottecchia)
Pedro Delgado (Reynolds)
Sean Kelly (PDM-Ultima-Concorde)
Gert-Jan Theunisse (PDM-Ultima-Concorde)
_pictogram.svg){kind=small}
.svg){kind=small}
Datos: Q754994
Multimedia: Tour de France 1989
