El tsujigiri (辻斬り o 辻斬, tsuji-giri, "prueba de les cuchielles") ye un términu xaponés pa referise a la práutica que fai un samurai cuando recibe una nueva cuchiella katana o ta desenvolviendo un nuevu estilu de llucha. Consiste en coyer l'arma y atacar a un oponente humanu, de normal a un pasiante indefensu, davezu durante la nueche. Los que practiquen esti asesinatu indiscrimináu suélense llamar igualmente tsujigiri.

Durante la era medieval xaponesa, el términu solíase emplegar pa designar a los enfrentamientos y duelos ente los bushi, sicasí, durante'l Periodu Sengoku (1467-1600), l'anarquía fixo qu'esta práutica degradárase nun asesinatu indiscrimináu, consentíu pol indiscrimináu poder de los bushi. Una vegada l'orde foi restauráu, el gobierno de Edo prohibió esta práutica en 1602. Los que la realizaben yeren condergaos pola pena capital. De magar, l'incidente más destacable nel que se llevo a cabu esta práutica foi en 1696 cuando se produció l'asesinatu rescamplu de Yoshihara (吉原百人斬), nel cual un señor ricu llamáu asina tuvo un biltu psicóticu y mató a docenes de prostitutes con una katana. Foi tratáu poles autoridaes como un asesín rescamplu y foi sentenciáu a muerte. Más tarde, a partir d'esti incidente, fíxose una obra kabuki.

Relevancia filosófica editar

La práutica del tsujigiri foi citada pola escritora británica Mary Midgley en Can't We Make Moral Judgements? (1989), onde alderica sobre la moral relativista.

Tamién se comparó la práutica del tsujigiri cola práutica espartana de la krypteia, un ritual que consistía nun asesinatu añal d'un ilote.