Unión Club Ceares

L'Unión Club Ceares ye un club de fútbol asturianu del barriu de Ciares, na ciudá de Xixón. Fundóse en 1946 y anguaño xuega na Tercer División d'España.

Unión Club Ceares
Situación
País	España
Autonomía	Principáu d'Asturies
Provincia	Provincia d'Asturies
Conceyu	Xixón
Estáu	España
Coordenaes	43°32′N 5°40′W
Datos
Tipu	club de fútbol
Fundáu en	1946
Entrenador	Alberto Menéndez
Categoría	Tercer División d'España
Uniforme
Titular Alternativu
Web oficial

Historia

Fundárase en 1946 como resultáu de la fusión ente'l Blancoval y el Fortuna. Obtuvo'l so primer ascensu a Tercer División na temporada 1964/65, magar que tornó a descender al añu siguiente. Militó de vuelta en categoríes rexonales hasta 1986, cuando percanció retornar a la categoría nacional, na que caltúvose dos temporaes consecutives. En 2003 prodúxose'l so caberu ascensu a Tercer División y de magar entós milita na mesma.

Uniforme

• Uniforme títular: Camiseta bermeya, pantalón azul, medies bermeyes.
• Uniforme alternativu: Camiseta mariella, pantalón azul, medies mariilles.

Estadiu

Entrada al campu de La Cruz

L'equipu xuega los partidos como llocal nel Estadiu La Cruz. El tarrén de xuegu ye de yerba natural y tien unos valumbos de 99x65 m. Tien una grada llateral, reformada en 2004.

Historial na Lliga

• 1946-1965: Categoría rexonal.
• 1965-1966: Tercer División.
• 1966-1986: Categoría rexonal.
• 1986-1988: Tercer División.
• 1988-2003: Categoría rexonal.
• 2003-anguaño: Tercer División.

Datos del club

Nota: Datos actualizaos cola temporada 19/20

• Temporaes en Primer Divisón: 0
• Temporaes en Segunda División: 0
• Temporaes en Segunda División B: 0
• Temporaes en Tercer División: 20
• Temporaes en Rexonal Preferente: 21
• Temporaes en Primera Rexonal: 14
• Temporaes en Segunda Rexonal: 15

Otros datos^{[ensin referencies]}

Datos ensin actualizar

• Meyor puestu: 9ᵘ (temporada 2006/07).
• Mayor goliada conseguida en casa: 4-1 al Ribeseya (temporada 2004/05), al Titánico (temporada 2005/06) y al Candás (temporada 2007/08).
• Mayor goliada conseguida fuera: 0-3 al Sporting B (temporada 2007/08).
• Mayor racha ensin perder: 7 partíos (xornada 12ª a 18ª temporada 2003/04 y xornada 17ª a 23ª temporada 2006/07).
• Máximu goliaor: Castaño (18 goles).

Enllaces esternos

• Páxina web oficial

• Datos: Q3321954