Vicente Álvarez Areces

Vicente Álvarez Areces
miembru del Senáu español
6. Presidente del Principáu d'Asturies
alcalde de Xixón
Vida
Nacimientu	Xixón, 4 d'agostu de 1943
Nacionalidá	España
Muerte	Xixón, 17 de xineru de 2019 (75 años)
Causa de la muerte	infarto cerebral (es)
Estudios
Estudios	Universidá de Santiago de Compostela
Llingües falaes	castellanu
Oficiu	políticu, matemáticu
Premios	ver Medaya d'Oru d'Asturies (2019) ;
Creencies
Partíu políticu	Partíu Socialista Obreru Español (de 1983 a 2019); Partíu Comunista d'Asturies (de 1962 a 1978)

Vicente Alberto Álvarez Areces (4 d'agostu de 1943, Xixón – 17 de xineru de 2019, Xixón) foi un políticu asturianu, alcalde de Xixón de 1987 a 1999 y presidente del Principáu d'Asturies de 1999 a 2011.

En 1962 ingresó nel PCE, onde tuvo hasta marzu de 1978. Como miembru del Comité Central del PCE, al que pertenez dende 1969 hasta 1977, organiza y preside la I Conferencia Rexonal del PCE d'Asturies. Horacio Fernández Inguanzo relévalu na secretaría política na II Conferencia Rexonal poles discrepancies dientru de la direición y con CC.OO.. Tres les primeres eleiciones xenerales d'esi añu adopta una postura crítica cola direición, que dirá agravándose col tiempu, hasta que dexa'l partíu tres la III Conferencia Rexonal (Perlora, marzu de 1978), xunto a otros 112 delegaos.

En 1987 concurre como candidatu del PSOE a les eleiciones municipales de Xixón, siendo nomáu alcalde, cargu nel que repite n'otros dos mandatos. En 1999 obtien la mayoría absoluta pola circunscripción central nes eleiciones autonómiques, polo que sal como presidente del Principáu'l 20 de xunetu. En 2003 repite na presidencia, pero esta vez gracies al sofitu d'IU ya que nun algamó la mayoría absoluta. Nes eleiciones el PSOE consiguió 20 escaños, 21 el PP y 4 IX-BA-LV, anque la abstención de IX na invistidura permitió a Areces algamar la presidencia. Repitió nel cargu depués de les eleiciones del añu 2007, gobernando inicialmente en minoría, pero algamando'l sofitu d'IX un añu y mediu más sero. Finalmente anunciaría la so renuncia a presidir nuevamente'l Principáu d'Asturies, siendo sustituyíu al frente del Gobiernu por Francisco Álvarez Cascos.

Ver tamién editar

Referencies editar

↑ URL de la referencia: http://dbe.rah.es/biografias/30796/vicente-alberto-alvarez-areces. Apaez como: Vicente Alberto Álvarez Areces.
↑ URL de la referencia: https://www.jgpa.es/documents/11156/92932/N%C2%BA%202.+D%C3%ADa+de+Asturias+%281980-2016%29/215e3b42-06e2-4817-a04d-9aca073f23c1. Data de consulta: 19 febreru 2020.

Enllaces esternos editar

Páxina eleutoral

Predecesor: Sergio Marqués	Presidente d'Asturies 1999-2011	Socesor: Francisco Álvarez Cascos
Predecesor: José Manuel Palacio	Alcalde de Xixón 1987-1999	Socesor: Paz Fernández Felgueroso

[8bf4fc2aa3805a990e4373bd5dff2a44b8f8e002-1] URL de la referencia: http://dbe.rah.es/biografias/30796/vicente-alberto-alvarez-areces. Apaez como: Vicente Alberto Álvarez Areces.

[a9df7a4776e52eff1facc1f3bb225721bb472bdf-2] URL de la referencia: https://www.jgpa.es/documents/11156/92932/N%C2%BA%202.+D%C3%ADa+de+Asturias+%281980-2016%29/215e3b42-06e2-4817-a04d-9aca073f23c1. Data de consulta: 19 febreru 2020.

[1]

[2]