Wikipedia:Alministradores de la interfaz
 | Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redaición o'l formatu, pero si quies camudar coses más importantes ties que consultalo a tola comunidá. |
Los alministradores de la interfaz o alministradores téunicos son usuarios cola capacidá d'editar les páxines CSS y JS d'un sitiu (tales como MediaWiki:Common.js, MediaWiki:Vector.css o les páxines d'accesorios qu'apaecen en Especial:Accesorios). El conteníu d'eses páxines execútase como códigu nel restolador de los editores y llectores de la wiki. y puede usase pa camudar l'estilu del conteníu de les páxines, cambiar el comportamientu de les mesmes o, inclusive, crear ferramientes d'edición complexes como wikEd (tamién pueden editar toles otres páxines nel espaciu de nomes MediaWiki).
La edición de páxines con CSS y JS que s'executen nos restoladores de terceros ye una ferramienta bien potente y, al empar, bien peligrosa en manos d'un usuariu maliciosu; los alministradores de la interfaz tienen de ser usuarios enforma fiables, con conocencia polo menos básica de funcionamientu del códigu CSS y JS, y amás entender de seguranza de cuentes (escoyer contraseñes úniques fuertes; protexese del malware; usar de mou preferente Ayuda:Two-factor authentication). Encamiéntase retirar los permisos d'alministrador d'interfaz a los usuarios inactivos p'amenorgar la superficie d'ataque. Les wikis pequeñes tendríen amás d'asegurase de tener siquier dos usuarios que puedan lleer Javascript pa que dambos puedan revisar mutuamente les sos ediciones (como asocede colos usuarios con permisos de comprobación d'usuarios).
Concesión del permisu editar
La candidatura podrá presentala cualquier usuariu activu y que cumpla los requisitos pa votar (o'l propiu candidatu) na páxina de votaciones y someteráse a votación durante 15 díes. Una vez termináu'l plazu, un burócrata cerrará la votación, revisará los votos, anulando los que nun cumplan los requisitos y si resulta favorable, dando los permisos al usuariu.
Retirada del permisu editar
El permisu d'alministrador téunicu retiraráse nos siguientes casos:
- Por inactividá: Depués de 12 meses ensin actividá relevante.
- Por pidimientu del propiu alministrador.
- Por votación xustificada.
Llista d'alministradores de la interfaz editar
Ver tamién editar
Meta contién información sobre Alministradores de la interfaz.
