Yoseikan
Yoseikan (養正館, Yōseikan) ye’l nome d'un dojo construyíu en payares de 1931 en Shizuoka, Xapón.
El Dojo editar
L’hermanu y los amigos del maestru Minoru Mochizuki llevantaron esti dojo por él mientres taba xorreciendo de la pleuresía y la tuberculosis pulmonar. Acabante construyir el dojo, un amigu de la familia Mochizuki, profesor de filosofía, dio-y el nome de Yoseikan. Mochizuki adoptó llueu’l nome, que significa "el llugar pa cautivar la verdá/xusticia", pola mor de que reflexaba los sos ideales y reforzaba l'actitú positiva de "bienestar y prosperidá mutuos" qu'él promoviera siempre. L’apertura oficial del dojo tuvo llugar en payares de 1931, cola asistencia de munchos dignatarios de Tokiu, ente los que taben Morihei Ueshiba, l'almirante Isamu Takeshita y el xeneral Makoto Miura.[1] Hubo que lu reconstruyir dempués de la Segunda Guerra Mundial per aciu de qu'amburara cuando la guerra.
El Yoseikan sirvió de centru pa munches artes marciales en Shizuoka hasta los años 1970. Ente les artes marciales que s’enseñaben ende taben l'Aikido, Yudu, Kárate y Tenshin Shoden Katori Shinto-ryu. Nos años 1970 convertióse en sede del arte marcial híbridu de Mochizuki, el Yoseikan Budo. L’edificiu ye anguaño sede de la Federación Internacional de Budo Seifukai.
El dojo Yoseikan allúgase en Mukoshikiji 846, Shizuoka-shi, Xapón.