Tamerlán
Tamerlán (del persa Timür-i lang), Tamorlán, Timur Lang, Timur Lenk o cenciellamente Timur el Coxu (más correutamente, Temür, el so nome turcu d'acordies cola grafía moderna). Foi un conquistador, llíder militar y políticu turcu-mongol, el caberu de los grandes conquistadores nómades del Asia Central. Dáse-y por nacíu en Kesh, Transoxana, Asia Central, el 10 d'abril de 1336 (25 Ša'bān, 736) magar que data y llugar son cuasi de xuru inventaos y la so nacencia tuvo de ser ente caberos de la década de 1320 y entamos de la de 1330. Morrió n'Otrar, cuando s'empobinaba a conquistar China, na tardiada del 17 de febreru de 1405 (17 Ša'bān, 807).
Esti noble musulmán d'orixe turcu conquistó descomanaes estensiones d'Eurasia en poco más de dos décades. Ente 1382 y 1405 los sos grandes exércitos altravesaron dende Delhi a Moscú, dende la cordillera T'ian Shan del Asia Central hasta los Montes Tauros de Anatolia, conquistando y reconquistando, afarando dalgunes ciudaes y perdonando a otres. La so fama espardiose per Europa, au demientres los sieglos foi una figura novelesca y de llercia, metantu que p'aquellos rellacionaos más direutamente na so trayeutoria, la so memoria siete sieglos dempués, entá sigue frescu, ya seya como afarador de ciudaes del Mediu Oriente o como'l caberu gran representante del poder nómada.
- Nota:Les feches ente paréntesis correspuenden al calendariu musulmán.
Enllaces esternos
Wikimedia Commons tien conteníu multimedia tocante a Tamerlán.
