Chiroptera

orde de mamíferos
(Redirixío dende Esperteyu)
Esperteyos
Esperteyu
Clasificación científica
Reinu: Animalia
Filum: Chordata
Clas: Mammalia
Orde: Chiroptera
Families
Pteropodidae

Emballonuridae
Rhinopomatidae
Craseonycteridae
Rhinolophidae
Nycteridae
Megadermatidae
Vespertilionidae
Molossidae
Antrozoidae
Natalidae
Myzopodidae
Thyropteridae
Furipteridae
Noctilionidae
Mystacinidae
Mormoopidae
Phyllostomidae

L'esperteyu (orde Chiroptera) (del llatín vespertilium "animal nocherniegu", términu que tamién da orixe al nome d'una de les families d'esperteyos, la familia vespertilionidae), tamién conocíu como Murciéganu ye un mamíferu que tien una ala que xune los caberos cuatro deos de les estremidaes anteriores, el cuerpu, la base de les pates posteriores y la cola. De vezos nocherniegos, ríxese na escuridá al traviés de la emisión d'ondes d'ultrasoníos que capta tres rebotar nos oxetos. Habita principalmente nos países caldios y caltiénse en lletargu nel iviernu.

ReproducciónEditar

La fema del esperteyu ye, sacante la fema'l canguru, la única de los mamíferos que difier a voluntá la fecundación, atroxando l'esperma pa emplegalu cuando-y paez. L'apareamientu suel ser na seronda, enantes la ivernación, en primavera la fema ovula y faise la fecundación.

ClasificaciónEditar

Hai dos subórdenes d'esperteyos:

  1. Megachiroptera (Esperteyos de la fruta)
  2. Microchiroptera (Esperteyos inseutívoros)

El sangreEditar

Ye un animal de sangre caliente cuando ta activu y de sangre frío cuando duerme.

IvernaciónEditar

Entren nesti estáu más rápido que cualesquier otru mamíferu. Nos llaboratorios consérvenlos en frigoríficos. Los llatíos del corazón pasen de 180 a 3 per minutu.

AvieyamientuEditar

La vida los mamíferos ta en rellación col tamañu (el mur vive un añu, el perru avieya a los 12, el caballu a los 17), l'esperteyu ye una esceición a esta regla y magar que ye más pequeñu que'l mur, vive 15 o más años.

AlimentaciónEditar

Basen la so dieta n'inseutos y fruta según el suborde.

Resistencia a enfermedaesEditar

Nun-yos afeuten enfermedaes como la rabia. A pesar de la so dieta, nun sufren arterioesclerosis y les arteries nun avieyen.

Otros nomesEditar

Morcíganu: Ye la otra forma -más propia del sur del dominiu llinguísticu- de referise al esperteyu. El so nome provién del llatín mus caecalus, o lo que ye lu mesmo mur cieguecín.