Esquí nórdicu

El esquí nórdicu ye una familia de deportes d'iviernu que toma distintos tipos d'esquí, concretamente aquelles disciplines en que la so práutica nun s'afita'l talón de la bota a la base de los esquíes, a diferencia del esquí alpín.

Esistiría un total de cinco modalidaes principales d'esquí nórdicu: esquí de fondu, saltu d'esquí, combinada nórdica, biatlón y telemark. De toes elles, namái'l telemark escarez de calter olímpicu.

Esquí de fondu editar

Nes competiciones, los fondistas tienen de realizar carreres contrarreló de llargues distancies d'hasta 150 km. Tamién esisten carreres más curties con eliminatories denominaes sprints. Les competiciones pueden ser estilu clásicu o llibre. Nel clásicu pásense los esquíes por dos carriles; nel llibre dir por caminos abiertos.

Saltu d'esquí editar

Consiste en baxar sobre esquíes por una rampla pa coyer velocidá y depués empecipiar el vuelu coles mires d'aterrizar lo más lloñe posible.

Ye una prueba que tien una gran dificultá téunica y por ello rique muncha preparación, pos l'esquiador non solo tien que saltar lo más lloñe posible, sinón que tien de faelo en condiciones de seguridá y aterrizar ensin contratiempos. Un accidente non solo restaría-y puntuación sinón que de cutiu tien consecuencies tráxiques pal deportista. Por si fora poco, mientres el vuelu tien de curiar l'harmonía y l'estética del movimientu, yá que amás de la distancia unos xueces van valorar l'estilu, influyendo dambos factores na puntuación final.

Combinada nórdica editar

Consiste nuna combinación de dos pruebes: una de saltos n'esquí dende un trampolín, y otra d'esquí de fondu.

Biatlón editar

Consiste en combinar l'esquí de fondu col tiru al blancu. Trátase d'una carrera d'esquí de fondu na qu'en determinaos puntos del percorríu los participantes tienen de parase a disparar con un rifle sobre un blancu estáticu, penalizándose cada fallu bien percorriendo una distancia adicional o bien añadiendo tiempu al total de la prueba, y ganando finalmente'l que totalice menos tiempu.

Telemark editar

Ye una téunica d'esquí que nació en 1825 de manes de Sondre Norheim, consideráu padre del esquí modernu. El nome d'esta modalidá provién d'una rexón Noruega llamada Telemark, onde Sondre inventó esta forma de faer xiros sobre les tables d'esquiar.

A finales del Sieglu XIX vuélvese bien popular por cuenta de les competiciones que se celebren, nes qu'ésti ye l'estilu que s'usa. Sicasí, a principios del sieglu XX, l'esquí alpín nel que s'afita'l talón al esquí desbanca la téunica del Telemark. Esta téunica nun volverá prauticar se hasta los Años 70, nos que resurde n'América del Norte yá que apurre una llibertá de movimientu mayor y un mayor desafíu, pola so complexidá, a los prauticantes del deporte del esquí.

Ver tamién editar

Referencies editar

Enllaces esternos editar

Wikimedia Commons tien conteníu multimedia tocante a Esquí nórdicu.